ర‌వితేజ కెరీర్ ఆల్ టైమ్ బెస్ట్ డీల్ ఇదేన‌ట‌

మాస్ మ‌హారాజా ర‌వితేజ న‌టించిన తాజా చిత్రం ఖిలాడీ. ఈ మూవీ నుండి `ఫుల్ కిక్కు` సాంగ్ ర‌వితేజ పుట్టినరోజున (జనవరి 26) విడుద‌లై అభిమానుల్లోకి దూసుకెళ్లింది. విడుద‌లైన కొన్ని గంట‌ల్లోనే 2 మిలియ‌న్ వ్యూస్ ని సాధించింది ఈ మాస్ గీతం. రవితేజతో కలిసి డింపుల్ హయతి రొమాన్స్ చ‌క్క‌గా పండింది. ఇప్ప‌టికి మూడు పాట‌లు విడుద‌ల కాగా ప్ర‌తిదీ మాస్ కి వినోదాన్ని పంచాయి. ఇక ర‌వితేజ ఎన‌ర్జీ క‌థానాయిక‌ల గ్లామ‌ర్ కంటెంట్ ఈ సినిమాకి ప్ర‌ధాన అస్సెట్ కానున్నాయి. తాజా స‌మాచారం మేర‌కు ఖిలాడీ థియేట్రిక‌ల్ నాన్ థియేట్రిక‌ల్ హ‌క్కుల్ని అమ్మేశామ‌ని నిర్మాత‌లు ప్ర‌క‌టించారు. ర‌వితేజ కెరీర్ ఆల్ టైమ్ బెస్ట్ డీల్ ఇదేన‌ని కూడా వెల్ల‌డించారు. మొత్తానికి రాజా జోరు మార్కెట్లో పుంజుకుంద‌ని దీన‌ర్థం.

రమేష్ వర్మ దర్శకత్వం వహించిన ఈ చిత్రానికి దేవి శ్రీ ప్రసాద్ సంగీతం అందించారు. స్టైలిష్ యాక్షన్ ఎంటర్ టైనర్ గా రూపొందింది. ఖిలాడీ చిత్రం ఫిబ్రవరి 11న ప్రేక్షకుల ముందుకు రానుంది.

ఈ సినిమాతో పాటు ర‌వితేజ ప‌లు ప్రాజెక్టుల‌తో బిజీగా ఉన్నారు. త‌దుప‌రి రామారావు ఆన్ డ్యూటీ .. అలాగే టైగ‌ర్ నాగేశ్వ‌ర‌రావు అనే చిత్రంలోనూ న‌టిస్తున్నారు. రామారావు ఆన్ డ్యూటీ కీల‌క షెడ్యూల్స్ ని పూర్తి చేసిన సంగ‌తి తెలిసిందే. కిక్ స‌క్సెస్ త‌ర్వాత ర‌వితేజ‌లో డ‌బుల్ రోబోటిక్ ఎన‌ర్జీ వ‌ర్క్ చేస్తోంది. మాస్ రాజా 2.0గా కొత్త అవ‌తారంతో దూసుకుపోతున్నారు.