రెండో హిట్టు టచ్ చేసేందుకు రెడీ

సుదీర్ఘ కాలం పాటు బ్రేక్ తీసుకుని.. రాజా ది గ్రేట్ తో స్ట్రాంగ్ రీఎంట్రీ ఇచ్చాడు రవితేజ. రావడం రావడంతోనే కెరీర్ బెస్ట్ హిట్ కొట్టేసి.. మాస్ లోను టాలీవుడ్ ఆడియన్స్ లోను తన క్రేజ్ ఎలాంటిదో ప్రూవ్ చేసుకున్నాడు. ఇప్పుడు తన మరుసటి ప్రాజెక్టు కూడా మంచి సక్సెస్ సాధిస్తుందని మహా కాన్ఫిడెంట్ గా ఉన్నాడు మాస్ మహరాజ్.

విక్రమ్ సిరికొండ దర్శకత్వంలో రూపొందిన టచ్ చేసి చూడు.. ఇప్పటికే ఇండస్ట్రీలో ఆసక్తి కలుగచేసింది. పోలీస్ పాత్రలో రవితేజ కనిపించనుండడం.. ఈ మూవీకి మరో పాజిటివ్ సెంటిమెంట్ గా చెప్పచ్చు. ప్రస్తుతం పోస్ట్ ప్రొడక్షన్ దశలో ఉన్న ఈ మూవీకి.. త్వరలో ప్రీ రిలీజ్ ఫంక్షన్ ఏర్పాటు చేస్నున్నారు. అదే రోజున టచ్ చేసి చూడు విడుదల తేదీ ప్రకటించబోతున్నట్లు నిర్మాత నల్లమలుపు శ్రీనివాస్ చెబుతున్నారు. తన స్నేహితుడు రవితేజతో సినిమా చేయడం ఆనందంగా ఉందంటున్న ఈ ప్రొడ్యూసర్.. వరుసగా రెండో సక్సెస్ ను తమ హీరో కొట్టేస్తాడని కాన్ఫిడెంట్ గా ఉన్నట్లు చెబుతున్నాడు.

ఇప్పటికే విడుదల అయిన పాటలకు ఆఢియన్స్ నుంచి మంచి రెస్పాన్స్ వస్తోందని.. టచ్ చేసి చూడు టీం అంటోంది. ఈ చిత్రంలో రాశి ఖన్నా గ్లామర్ అదనపు ఆకర్షణ అవుతుందట. కథ కథనాలతో పాటు.. కామెడీ.. హీరోయిన్ గ్లామర్.. నూతన డైరెక్టర్ తెరకెక్కించిన విధానం సినిమాను ఆకట్టుకుంటాయన్నది టచ్ చేసి చూడు టీం విశ్వాసం.