చిరు నోట రవితేజ డైలాగ్..!

మెగాస్టార్ చిరంజీవి వాల్తేరు వీరయ్య సినిమాలో మాస్ మహారాజ్ రవితేజ నటిస్తున్నాడు అంటే ముందు అదేదో చిన్న పాత్ర అనుకున్నారు కానీ సినిమాలో దాదాపు రవితేజ కూడా సగం దాకా ఉంటాడని టాక్. తెలుస్తున్న సమాచారం ప్రకారం రవితేజ స్క్రీన్ స్పేస్ కూడా 45 నిమిషాల దాకా ఉంటుందని అంటున్నారు. రవితేజ ఏసీపీగా కనిపిస్తుండగా వీరయ్య మాస్ లుక్ తో అదరగొట్టనున్నాడు.

ఇక సినిమాలో చిరంజీవి, రవితేజల మధ్య వచ్చే ఒక సీన్ ఫ్యాన్స్ కి పూనకాలు తెప్పిస్తుందని తెలుస్తుంది. చిరు, రవితేజ ఒకసారి పోలీస్టేషన్ లో ఎదురుపడతారట. ఆ టైం లో రవితేజకి సవాల్ విసురుతూ చిరంజీవి సిటీకి ఎంతోమంది కమీషనర్లు వస్తుంటారు పోతుంటారు వీరయ్య లోకల్ ఇక్కడే ఉంటాడని రవితేజ ఇడియట్ డైలాగ్ ని చెబుతాడట. దీనికి కౌంటర్ గా రవితేజ కూడా చిరంజీవి ఘరానా మొగుడు సినిమాలోని ఏది కొంచెం ఫేస్ టర్నింగ్ ఇచ్చుకో అని చెప్పడం థియేటర్ లో మోత మోగిస్తుందని అంటున్నారు.

ఇలా ఇద్దరు హీరోలని పెట్టి వారి డైలాగ్స్ ని మార్చి చెప్పించడం ఇద్దరి హీరోల ఫ్యాన్స్ కి మంచి కిక్ ఇస్తుంది. వాల్తేరు వీరయ్య సినిమాకు రవితేజ కచ్చితంగా ప్లస్ అవుతారని చెప్పొచ్చు. రీసెంట్ గా ధమాకా తో సూపర్ హిట్ కొట్టి ఫుల్ జోష్ లో ఉన్న రవితేజ వాల్తేరు వీరయ్య హిట్ లో కూడా భాగమవ్వాలని చూస్తున్నాడు.

వాల్తేరు వీరయ్య హంగామా చూస్తుంటే అనుకున్న విధంగా ఆడియన్స్ ని అలరించేలా ఉంది. శృతి హాసన్ హీరోయిన్ గా నటించిన ఈ సినిమాకు దేవి శ్రీ ప్రసాద్ మ్యూజిక్ అందించారు. వాల్తేరు వీరయ్యలో వావ్ అనిపించే సీన్స్ చాలా ఉన్నాయని అంటున్నారు.

డైరెక్టర్ బాబీ ఒక మెగా ఫ్యాన్ గా సినిమాను మెగా ఫ్యాన్స్ కి ఫుల్ మీల్స్ ఇచ్చేలా తీర్చిదిద్దాడని తెలుస్తుంది. మెగా మాస్ మూవీగా వాల్తేరు వీరయ్య హంగామా ఓ రేంజ్ లో ఉండబోతుందని అర్ధమవుతుంది. ఆచార్య, గాడ్ ఫాదర్ సినిమాలతో నిరాశ చెందిన మెగా ఫ్యాన్స్ ఈ సినిమాతో అయినా పండుగ చేసుకుంటారేమో చూడాలి.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.