గొడుగులో ప్రేయ‌సితో డిస్కో ఏంటి రాజా?

చిట‌ప‌ట చినుకులు ప‌డుతూ ఉంటే చెలికాడే స‌ర‌స‌న ఉంటే.. చెప్ప‌లేని ఆ హాయి..! అన్న తీరుగా ఇక్క‌డ రాజా త‌న ప్రేయ‌సితో గొడుగులో వెళుతున్నాడు. మాస్ మ‌హారాజా ర‌వితేజ‌- న‌భా న‌టేష్ మ‌ధ్య కెమిస్ట్రీ ఏ లెవ‌ల్లో వర్క‌వుట్ కానుందో ఈ పోస్ట‌ర్ చెబుతోంది. ఇంతకుముందు ర‌వితేజ స‌ర‌స‌న ఇలియానా ఏ రేంజులో క్లిక్క‌య్యిందో ఇప్పుడు న‌భా కూడా ఆ లెవ‌ల్లోనే క్లిక్క‌వ్వ‌డం గ్యారెంటీ.

మాస్ మ‌హారాజా ర‌వితేజ క‌థానాయ‌కుడిగా డిస్కో రాజా ఆన్ సెట్స్ ఉన్న సంగ‌తి తెలిసిందే. వీఐ ఆనంద్ ఈ చిత్రానికి ద‌ర్శ‌క‌త్వం వ‌హిస్తున్నారు. ఎస్‌ఆర్‌టి ఎంటర్ టైన్ మెంట్స్ ప‌తాకంపై `నేల టిక్కెట్టు` ఫేం రామ్ తళ్ళూరి ఈ చిత్రాన్ని అత్యంత ప్రతిష్టాత్మకంగా నిర్మిస్తున్నారు. డిసెంబర్ 20న సినిమా విడుదల కానుంది. గోవా హైద‌రాబాద్ ల‌లో చిత్రీక‌ర‌ణ సాగించారు. నేడు దీపావ‌ళి కానుక‌గా రిలీజ్ చేసిన పోస్ట‌ర్ అభిమానుల్లో కి దూసుకెళుతోంది.

ఈ పోస్ట‌ర్ లో ర‌వితేజ మునుప‌టి కంటే యంగ్ గా క‌నిపిస్తున్నారు. డిస్కోరాజాకు రివైండ్ .. ఫాస్ట్ ఫార్వార్డ్.. ప్లే నాట్.. కిల్..! అంటూ ట్యాగ్ లైన్ ఇచ్చారు కాబ‌ట్టి అందుకు త‌గ్గ‌ట్టే ర‌వితేజ లో వేరియేష‌న్స్ చూసేందుకు ఆస్కారం ఉంది. అందులో న‌భాతో ల‌వ్ స్టోరి ఎలా ఉంటుందో చూడాలి. పాయ‌ల్ రాజ్ పుత్- తాన్యా హోప్- వెన్నెల కిషోర్ త‌దిత‌రులు ఈ చిత్రంలో కీల‌క పాత్ర‌లు పోషిస్తున్నారు.