చక్రికి రవితేజ బంపర్ ఆఫర్

ఇండస్ట్రీకి చాలామందే కొత్త డైరెక్టర్లు వస్తుంటారు. కానీ ఇలా వచ్చేవాళ్లందరూ ముందుగా మాస్ మహరాజా రవితేజ కోసమే ట్రై చేస్తుంటారు. దీనికో స్పెషల్ రీజన్ కూడా ఉంది. రవి తేజకి మంచి లక్కీ హ్యాండ్ అనే గుర్తింపు ఉండడమే కాదు.. తను పరిచయం చేసిన చాలామంది ఇప్పుడు టాలీవుడ్ టాప్ డైరెక్టర్స్ అయిపోయారు.

హరీష్ శంకర్ - బోయపాటి శ్రీను - శ్రీను వైట్ల - గోపీచంద్ మలినేని - బాబీ.. ఇలా తెలుగు ఇండస్ట్రీలో వెలిగిపోతున్న ఈ దర్శకులంతా.. తమ మొదటి సినిమాని రవితేజతోనే తీశారు. ఇప్పుడు వీళ్లకున్న క్రేజ్ మనం చూస్తూనే ఉన్నాం. ఈ లిస్ట్ లోకి మరో కొత్త పేరు వచ్చి చేరబోతోంది. చక్రి అనే మరో వ్యక్తిని దర్శకుడిగా పరిచయం చేయనున్నాడు మాస్ మహరాజా. బలుపు - పవర్ చిత్రాలకు కూడా ఈ చక్రి సహాయకుడిగా పని చేశాడు. అప్పుడు వారి మధ్య ఏర్పడ్డ అనుబంధంతో.. రవితేజకి ఓ లైన్ వివరించాడట చక్రి.

చక్రి చెప్పిన లైన్ తోపాటు.. స్టోరీని నేరేట్ చేసిన విధానం చూసి రవితేజ ఫ్లాట్ అయిపోయాడని తెలుస్తోంది. దీంతో ఈ ప్రాజెక్టుకి ఓకే చెప్పాశాడు. త్వరలో దీనికి సంబంధించిన మిగతా పనులు పూర్తి చేసి.. అఫీషియల్ గా అనౌన్స్ చేసే అవకాశం ఉంది. ఇప్పటికైతే రవితేజ బెంగాల్ టైగర్ పై ఫుల్లుగా దృష్టి పెట్టాడు. ఈ నెల 10న రిలీజ్ కానున్న ఈ మూవీ సక్సెస్.. ప్రస్తుతం మాస్ మహరాజ్ కు చాలా ముఖ్యం.