పొలిటిక‌ల్ ట‌చ్‌ లో ర‌వితేజ‌

మాస్ మ‌హారాజా ర‌వితేజ వెరైటీ టైటిళ్ల‌తో ప్రేక్ష‌కుల ముందుకు వ‌స్తున్నాడు. మొన్న‌టికి మొన్న రాజా ది గ్రేట్ సినిమాలో అంధుడిగా న‌టించి మెప్పించాడు. ఆ సినిమా బాగానే ఆడ‌డంతో మ‌ళ్లీ కెరియ‌ర్‌ పై ఆశ‌లు పెంచుకున్నాడు ర‌వితేజ‌. ఆ దూకుడుతోనే ట‌చ్ చేసి చూడు సినిమాను పూర్తి చేస్తున్నాడు. ఆ సినిమాలో ర‌వితేజ చేసే పాత్రేంటో తెలుసా?

విక్ర‌మార్కుడు సినిమా ర‌వితేజ కెరియ‌ర్లో ది బెస్ట్ అని చెప్పుకోగ‌ల సినిమా. అందులో ప‌వ‌ర్ ఫుల్ పోలీసాఫీస‌ర్‌ గా, ఆక‌తాయిగా రెండు పాత్ర‌ల్లో చేశాడు. అందులో చేసిన పోలీసాఫీస‌ర్ పాత్ర అభిమానుల‌కు తెగ న‌చ్చేసింది. ఆ త‌రువాత మ‌ళ్లీ ర‌వితేజ పోలీసుగా క‌నిపించింది లేదు. ఆ లోటును ట‌చ్ చేసి చూడు సినిమా తీర్చేస్తుంది. ఇందులో ఈ మాస్ హీరో సిన్సియ‌ర్ పోలీసాఫీస‌ర్‌ గా న‌టించ‌బోతున్నాడ‌ట‌. అంతేకాదు సినిమా అంతా ఓల్డ్ సిటీ బ్యాక్ డ్రాప్ లో సాగుతుంద‌ట‌. అక్క‌డ ఉన్న పెద్ద రాజ‌కీయ నేత‌ల‌ను ఢీకొట్ట‌బోతున్నాడ‌ట‌. అదే సినిమాలో హైలైట్ అని టాక్స్ వినిపిస్తున్నాయి.

ఈ సినిమా సెన్సార్ కార్య‌క్ర‌మాల‌ను కూడా పూర్తి చేసుకుంది. ప్రి రిలీజ్ ఈవెంట్ ను ప్లాన్ చేసే ప‌నిలో ఉంది చిత్ర యూనిట్‌. ఈ చిత్రానికి విక్ర‌మ్ సిరికొండ ద‌ర్శ‌క‌త్వం వ‌హించారు. రాశి ఖ‌న్నా - సీర‌త్ క‌పూర్ హీరోయిన్లుగా న‌టించిన ఈ చిత్రానికి బాలీవుడ్ మ్యూజిక్ డైరెక్టర్ ప్రీతమ్ సంగీతాన్ని అందిస్తున్నారు. ఫిబ్ర‌వ‌రి 2న ప్రేక్ష‌కుల ముందుకు రాబోతోంది ట‌చ్ చేసి చూడు. చూద్దాం... ఈ సినిమా ప్రేక్ష‌కుల మ‌నసుల‌కు ఎంత‌వ‌ర‌కు ట‌చ్ చేస్తుందో.