టీజ‌ర్ : పేరు సింపుల్ గా వున్నా వాడు సూప‌ర్ మ్యాన్

మాస్ మ‌హారాజా ర‌వితేజ `ఖిలాడీ` మూవీతో రీసెంట్ గా ప్రేక్ష‌కుల ముందుకొచ్చారు. భారీ అంచ‌నాల‌తో విడుద‌లైన ఈ మూవీ అభిమానుల్ని ఆశించిన స్థాయి ఎట్రాక్ట్ చేయ‌లేక‌పోయింది. యాక్ష‌న్ ఎంట‌ర్ టైన‌ర్ గా తెర‌కెక్కిన ఈ చిత్రంతో ఫ్యాన్స్ కి ట్రీట్ ఇవ్వాలనుకున్నారు కానీ కుద‌ర‌లేదు. అయితే అది `రామారావు ఆన్ డ్యూటీ`తో నెర‌వేరేలా క‌నిపిస్తోంది. మాస్ మ‌హారాజా ర‌వితేజ న‌టిస్తున్న తాజా చిత్రం `రామారావు ఆన్ డ్యూటీ`. శ‌ర‌త్ మండ‌వ ద‌ర్శ‌కుడిగా ప‌రిచ‌యం అవుతున్నారు. ఎస్ ఎల్ వీ సినిమాస్ ఎల్ ఎల్ పీ బ్యాన‌ర్ పై సుధాక‌ర్ చెరుకూరి అత్యంత భారీ స్థాయిలో నిర్మించారు.

హై వోల్టేజ్ యాక్ష‌న్ ఎంట‌ర్ టైన‌ర్ గా తెర‌కెక్కిన ఈ మూవీలో `జై భీమ్` ఫేమ్ ర‌జీషా విజ‌య‌న్‌, `మజిలీ` ఫేమ్ దివ్యాన్ష కౌశిక్ హీరోయిన్ లుగా న‌టిస్తున్నారు. ర‌వితేజ కూడా ఈ చిత్ర నిర్మాణంలో వ‌న్ ఆఫ్ ది పార్ట్ న‌ర్ గా వ్య‌వ‌హ‌రిస్తున్న ఈమూవీ రెండు పాట‌లు మిన‌హా చిత్రీక‌ర‌ణ పూర్తి చేసుకుంది. ప్ర‌స్తుతం పోస్ట్ ప్రొడ‌క్ష‌న్ కార్య‌క్ర‌మాల్లో వుంది. ఇదిలా వుంటే మేక‌ర్స్ మ‌హా శివ‌రాత్రి సంద‌ర్భంగా అభిమానుల‌కు టీజ‌ర్ రూపంలో స‌ర్ ప్రైజ్ గిఫ్ట్ ని అందించారు.

`రామారావు ఆన్ డ్యూటీ` టీజ‌ర్ ని మంగ‌ళ‌వారం విడుద‌ల చేశారు. ఈ చిత్రంలో ప‌వ‌ర్ ఫుల్ డిప్యూటీ క‌లెక్ట‌ర్ పాత్ర‌లో ర‌వితేజ న‌టించారు. హై వోల్టేజ్ యాక్ష‌న్ స‌న్నివేశాల‌తో టీజ‌ర్ మొద‌లైంది... పేరు సింపుల్ గా వున్నా వాడు సూప‌ర్ మ్యాన్ అంటూ జాన్ విజ‌య్ చెబుతున్న డైలాగ్ లు ఆక‌ట్టుకుంటున్నాయి. టీజ‌ర్ చూస్తుంటే మ‌ళ్లీ చాలా రోజుల త‌రువాత ర‌వితేజ `విక్ర‌మార్కుడు` చిత్రంలో పోషించిన ప‌వ‌ర్ ఫుల్ క్యారెక్ట‌ర్ విక్ర‌మ్ రాథేడ్ త‌ర‌మా పాత్ర‌లో న‌టించిన‌ట్టుగా క‌నిపిస్తోంది.

`ఆయుధం మీద ఆధార‌ప‌డే నీలాంటి వాడి ధైర్యం వాడే ఆయుధంలో వుంటుంది... ఆయుధంలా బ్రితికే నాలాంటి వాడి ధైర్యం అణువ‌ణువునా వుంటుంది.. క్రిమిన‌ల్స్ విల్ బి ప‌నిష్డ్ .. నో మ్యాట‌ర్ వార్న్‌..ఈవెందో దెరీజ్ నో ఎవిడెన్స్` అంటే ర‌వితేజ చెబుతున్న ప‌వ‌ర్ ఫుల్ డైలాగ్ లు సినిమా ఏ రేంజ్ లో మాస్ ఆడియ‌న్స్ కు జాత‌ర‌గా మార‌నుందో స్ప‌ష్టం చేస్తున్నాయి. లాకు వ్య‌తిరేకంగా వెళ్లే వాళ్ల‌కు సింహ‌స్ప‌ప్నం లాంటి సిస్సియ‌ర్ ప‌వ‌ర్ ఫుల్ ఆఫీస‌ర్ స్టోరీగా ఈ చిత్రాన్ని శ‌ర‌త్ మండ‌వ తెర‌కెక్కించారు. చెడ్డ వాళ్ల‌కు చెడ్డ వాడిగా .. మంచి వాళ్ల‌కు మంచి వాడిగా నిలిచే రామా రావు క‌థేంటి? .. ఎందుకీలా వున్నాడు వంటి కార‌ణాలు తెలియాలంటే సినిమా చూడాల్సిందే.

ప‌వ‌ర్ ఫుల్ యాక్ష‌న్ స‌న్నివేశాల‌తో రూపొందించిన టీజ‌ర్ లో ర‌వితేజ చాలా ఇంటెన్స్ గా ప‌వ‌ర్ ఫుల్ లుక్ లో కనిపించి మాస్ ఆడియ‌న్స్ ని ఆక‌ట్టుకున్నారు. ఇద్ద‌రు హీరోయిన్ లు కూడా టీజ‌ర్ లో చాలా హోమ్లీగా క‌నిపించారు. ఈ మూవీతో థ‌ర్డ్‌ ఇన్నింగ్స్ ని స్టార్ట్ చేస్తున్న హీరో వేణు టీచ‌ర్ లో చెప్పిన డైలాగ్ హీరో క్యారెక్ట‌ర్ ఎలా వుంటుందో స్ప‌ష్టం చేసింది. జాన్ విజ‌య్ తో `రామారావు చాలా పిత‌లాట‌కం మ‌నిషి` అంటే వేణు చెప్ప‌డం ఆక‌ట్టుకుంటోంది. స‌త్య‌న్ సూర్య‌న్ ఫొటోగ్ర‌ఫీ, శ్యామ్ సిఎస్ సంగీతం సినిమాకు ప్ర‌ధాన బ‌లంగా క‌నిపిస్తున్నాయి.

ప్ర‌తీ సీన్ ని ఎలివేట్ చేసిన తీరు మాస్ కి పూన‌కాలు తెప్పించేలా వుంది. టీజ‌ర్ ఆడియ‌న్స్ అంచ‌నాల‌ని నెక్స్ట్ లెవెల్ కి చేర్చేలా వుంది అంటున్నారు. ఇంత‌కు ముందే ఈ మూవీని మార్చి 25న రిలీజ్ చేస్తున్నామంటూ ప్ర‌క‌టించినా టీజ‌ర్ లో మాత్రం డేట్ పై మేక‌ర్స్ ఎలాంటి స్ప‌ష్ట‌త‌ని ఇవ్వ‌కుండా క‌మింగ్ సూన్ అని టీజ‌ర్ ఎండ్ లో వేయ‌డం గ‌మ‌నార్హం.