ఈ 'మాస్' పెయిర్ హ్యాట్రిక్ హిట్ ఖాయమేనా..??

తెలుగు ఇండస్ట్రీలో మాస్ మహారాజా అంటే రవితేజ అనే సంగతి అందరికి తెలిసిందే. హీరోగా తన కెరీర్ లో చాలా సూపర్ హిట్స్ అలాగే ప్లాపులు చూసాడు. కానీ ఎప్పుడూ పెద్దగా తీసుకోలేదు. మాస్ రాజా ఎంటర్టైన్మెంట్ ఎలా ఉంటుందో చూడటానికే ఆయన అభిమానులతో సామాన్య ప్రేక్షకులు ఎక్కువగా ఇష్టపడతారు. గత కొన్ని సినిమాలుగా వరుస ప్లాప్ లను ఎదుర్కొంటున్న రవితేజకి ఇప్పుడు మళ్ళీ హిట్ కొట్టాల్సిన అవసరం ఎంతైనా ఉంది. అందుకోసమే కొత్త స్టోరీల జోలికి వెళ్లకుండా ఆల్రెడీ వేరే భాషలో సూపర్ హిట్ అయిన స్టోరీలను, సినిమాలను రీమేక్ చేస్తున్నాడు. ప్రస్తుతం రవితేజ నుండి విడుదలకు రెడీ అవుతున్న సినిమా క్రాక్. ఈ సినిమా పోలీస్ డ్రామా సినిమా. ఈ సినిమాలో రవితేజ పవర్ ఫుల్ పోలీస్ అధికారిగా నటిస్తున్నాడు.

ఇప్పటికే ఈ సినిమా నుండి విడుదల చేసిన పోస్టర్స్, టీజర్, సాంగ్స్ అన్ని కూడా మంచి బజ్ క్రియేట్ చేసాయి. తమిళంలో సూపర్ హిట్ అయిన సేతుపతి సినిమాకి ఇది రీమేక్. కాకపోతే ఒంగోలు ఏరియా నేపథ్యంలోకి మార్చారు మేకర్స్. ఇదిలా ఉండగా డైరెక్టర్ గోపీచంద్ మలినేనితో రవితేజ మూడో సినిమా ఇది. అంటే వీరిద్దరి కాంబినేషన్ లో వచ్చిన డాన్ శీను, బలుపు రెండు కూడా మంచి హిట్స్ అందుకున్నాయి. అయితే ఈసారి హ్యాట్రిక్ హిట్ కొడతారనే పాజిటివ్ ఒపీనియన్ తో ఉన్నారు మాస్ రాజా ఫ్యాన్స్. అంతేగాక ఇది కొత్త కథ కాదు కదా.. ఆల్రెడీ హిట్ స్టోరీ కావడంతో పక్క ఈ సంక్రాంతికి రవితేజకి హిట్ ఖాయమని సినీవర్గాలలో టాక్. చూడాలి మరి ఈ హిట్ పెయిర్ మరో హిట్ కొట్టి హ్యాట్రిక్ అందుకుంటుందేమో..!!