1000+ స్క్రీన్స్ లో రిలీజ్ అవుతున్న రవితేజ 'క్రాక్'

మాస్ మహారాజ్ ర‌వితేజ‌ - శృతి హాస‌న్ జంటగా నటించిన తాజా చిత్రం ''క్రాక్''. గోపిచంద్ మలినేని దర్శకత్వం వహిస్తున్న ఈ చిత్రాన్ని సరస్వతి ఫిలిం డివిజన్ బ్యానర్‌ పై ఠాగూర్ మధు నిర్మించారు. వాస్త‌వ సంఘ‌ట‌న‌ల ఆధారంగా రూపొందిన ఈ చిత్రంలో రవితేజ పవర్‌ ఫుల్ పోలీసర్ పాత్రలో కనిపించనున్నాడు. సంక్రాంతి కానుకగా జనవరి 9న ఈ చిత్రం ప్రేక్షకుల ముందుకు రానుంది. ఇప్పటికే టీజర్ ట్రైలర్ సాంగ్స్ తో సినిమాపై పాజిటివ్ బజ్ క్రియేట్ చేశారు. ఈ చిత్రాన్ని ప్రపంచ వ్యాప్తంగా 1000 కి పైగా స్క్రీన్స్ లో రిలీజ్ చేస్తున్నారని తెలుస్తోంది. ఇది రవితేజ కెరీర్ లోనే బిగ్గెస్ట్ రిలీజ్ అని చెప్పవచ్చు.

కాగా, 'డాన్ శీను' 'బలుపు' వంటి సూపర్ హిట్స్ తర్వాత గోపిచంద్ మలినేని - రవితేజ కాంబినేషన్ లో రాబోతున్న ఈ మూవీపై భారీ అంచనాలే నెలకొన్నాయి. 'డిస్కోరాజా' ప్లాప్ తర్వాత రవితేజ 'క్రాక్' తో సాలిడ్ హిట్ కొడతాడని ఫ్యాన్స్ నమ్మకంగా ఉన్నారు. ఈ చిత్రంలో తమిళ నటుడు సముద్రఖని - వరలక్ష్మీ శరత్ కుమార్ - రవి శంకర్ కీలక పాత్రల్లో కనిపిస్తున్నారు. థమన్ సంగీతం సమకూర్చిన ఈ చిత్రానికి రామజోగయ్య శాస్త్రి సాహిత్యం అందించాడు. 'బిగిల్' చిత్రానికి సినిమాటోగ్రాఫర్ గా వ్యవహరించిన జీకే విష్ణు ఈ చిత్రానికి వర్క్ చేసాడు.