'ధమాకా' మాస్ క్రాకర్: ఇది రవితేజ మార్క్ అవుట్ అండ్ అవుట్ ఎంటర్‌టైనర్..!

మాస్ మహారాజా రవితేజ మరియు కమర్షియల్ మేకర్ త్రినాథరావు నక్కిన కాంబినేషన్ లో తెరకెక్కుతున్న మాస్ అండ్ యాక్షన్ ఎంటర్‌టైనర్ "ధమాకా". 'డబుల్ ఇంపాక్ట్' అనేది దీనికి ట్యాగ్ లైన్. ఇందులో రవితేజ సరసన పెళ్లి సందడి బ్యూటీ శ్రీలీల హీరోయిన్ గా నటించింది. రిలీజ్ కు రెడీ అయిన ఈ సినిమాకు సంబంధించిన ప్రమోషన్స్ జోరుగా సాగుతున్నాయి.

ఇప్పటికే 'ధమాకా' నుంచి వచ్చిన ఫస్ట్ గ్లిమ్స్ - 'జింతాక్' మరియు 'మాస్ రాజా' సాంగ్స్ కు ఆడియన్స్ నుంచి అనూహ్య స్పందన లభించింది. ఈ నేపథ్యంలో ఈరోజు శుక్రవారం ఉదయం సినిమా టీజర్‌ ను విడుదల చేయడం ద్వారా మేకర్స్ కాస్త ముందుగానే దీపావళి సంబరాలను మొదలు పెట్టారు.

'ధమాకా' అనేది రవితేజ మార్క్ అవుట్ అండ్ అవుట్ ఎంటర్‌టైనర్ అని తెలుస్తోంది. ఈ టీజర్ మాస్ రాజాని డాషింగ్ క్యారెక్టర్‌ లో ప్రెజెంట్ చేసింది. రవితేజ డ్యూయల్ షేడ్ క్యారెక్టర్‌ లో ఎప్పటిలాగే ఫుల్ ఎనర్జీతో కనిపించాడు. టీజర్‌ లో రవితేజ పలికిన కొన్ని వన్ లైనర్లు మాస్ ని ఆకట్టుకునేలా ఉన్నాయి.

'నేను మీలో విలన్‌ ని చూస్తే.. మీరు నాలో హీరోని చూస్తారు.. కానీ నేను యాక్షన్‌ లో ఉన్నప్పుడు శాడిస్ట్‌ ని" అంటూ ఇంగ్లీష్ లో చెప్పిన డైలాగ్స్ మెప్పిస్తున్నాయి. “అట్నుంచీ ఒక బుల్లెట్ వస్తే... ఇట్నుంచి దీపావళి...” అనే పవర్ ఫుల్ డైలాగ్ ని టీజర్ లో చూడొచ్చు.

'ధమాకా' మాస్ టీజర్ లోని ఇంటెన్స్ యాక్షన్ బ్లాక్‌ లు రవితేజ ఊర మాస్ క్యారెక్టర్‌ ని చూపిస్తున్నాయి. డబుల్ ఇంపాక్ట్ అనే ట్యాగ్‌ లైన్ కు తగ్గట్టుగా ఈ టీజర్ డబుల్ ఇంపాక్ట్ క్రియేట్ చేసిందని చెప్పాలి. ఇందులో హీరోయిన్ శ్రీ లీలతో పాటుగా విలక్షణ నటుడు జయరామ్ - సత్యం రాజేష్ భాగమయ్యారు.

టీజర్ లో బ్యాక్ గ్రౌండ్ స్కోర్ మరియు విజువల్ ప్రెజెంటేషన్ కథనాన్ని ఎలివేట్ చేస్తున్నాయి. అలానే ప్రొడక్షన్ వాల్యూస్ లావిష్ గా ఉన్నాయి. ప్రసన్న కుమార్ బెజవాడ ఈ చిత్రానికి కథ, స్క్రీన్ ప్లే మరియు సంభాషణలు సమకూర్చారు.

భీమ్స్ సిసిరోలియో సంగీతం సమకూర్చారు. కార్తీక్ ఘట్టమనేని ఈ చిత్రానికి సినిమాటోగ్రఫీని నిర్వహించగా.. శ్రీనాగేంద్ర తంగాల ప్రొడక్షన్ డిజైనర్ గా వర్క్ చేశారు. ఫైట్ మాస్టర్స్ ద్వయం రామ్-లక్ష్మణ్ యాక్షన్ కొరియోగ్రఫీ చేశారు.

'ధమాకా' చిత్రాన్ని పీపుల్ మీడియా ఫ్యాక్టరీ & అభిషేక్ అగర్వాల్ ఆర్ట్స్ పతాకాలపై టిజి విశ్వప్రసాద్ నిర్మిస్తున్నారు. వివేక్ కూచిభొట్ల సహ నిర్మాతగా వ్యవహరిస్తున్నారు. క్రిస్మస్ కానుకగా డిసెంబర్ 23న ఈ చిత్రాన్ని థియేటర్లలో విడుదల చేయబోతున్నట్లు మేకర్స్ ప్రకటించారు.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.