క‌మ‌ల్ హాస‌న్- అజిత్ ల‌కు క‌థ‌లిచ్చి మాస్ రాజాతో!

మాస్ మ‌హారాజా ర‌వితేజ క్రాక్ సినిమాతో బ్లాక్ బ‌స్ట‌ర్ అందుకుని మాంచి జోష్ మీద ఉన్న సంగ‌తి తెలిసిందే. ప్ర‌స్తుతం ఖిలాడీ చిత్రీక‌ర‌ణ‌లో పాల్గొంటున్న ర‌వితేజ త‌దుప‌రి బ్యాక్ టు బ్యాక్ సినిమాల్ని ఫైన‌ల్ చేస్తున్నారు.

తాజాగా త‌ళా అజిత్ ద‌ర్శ‌కుడు శ‌ర‌త్ మండ‌వ‌తో ఓ సినిమాకి క‌మిట‌య్యారు. జులై 1 నుండి హైద‌రాబాద్ లో ఈ మూవీ చిత్రీక‌ర‌ణ ప్రారంభం కానుంది. మాస్ మ‌హారాజా ర‌వితేజ‌- శ‌ర‌త్ మండ‌వ చిత్రానికి ఎస్‌.ఎల్‌.వి సినిమాస్ ఎల్.ఎల్‌.పి లో నాలుగో చిత్రంగా ప్రారంభం కానుంది. నిజ ఘ‌ట‌న‌ల‌ ఆధారంగా యూనిక్ థ్రిల్ల‌ర్ ఇది. ర‌వితేజను ఇంత‌వ‌ర‌కూ చూడ‌ని స‌రికొత్త పాత్ర‌లో చూడ‌నున్నారు.

ర‌వితేజ స‌ర‌స‌న దివ్యాంశ కౌశిక్ నాయిక‌. సుధాక‌ర్ చెరుకూరి నిర్మిస్తున్న ఈ మూవీ రెగ్యుల‌ర్ షూటింగ్ జులై 1 నుండి హైద‌రాబాద్‌ అల్యుమినియం ఫ్యాక్ట‌రీలో ప్రారంభం కానుంది. ఈ షెడ్యూల్ లో టీమ్ అంతా పాల్గొంటుది. ఈ చిత్రానికి స్యామ్ సీఎస్ సంగీతం అందిస్తుండ‌గా స‌త్య‌న్ సూర్య‌న్ సినిమాటోగ్రాఫ‌ర్ గా ప‌నిచేస్తున్నారు. ద‌ర్శ‌కుడు శ‌ర‌త్‌ మండ‌వ మ‌న తెలుగు వారే...గతంలో వెంకటేష్- అజిత్- కమల్ హాసన్- మోహన్ లాల్ లాంటి స్టార్ హీరోల సినిమాల‌కు రచయితగా పనిచేశారు.