ఫొటోటాక్ : మాస్ రాజా ఖిలాడి సెల్ఫీ

రవితేజ హీరోగా డింపుల్‌ హయతి హీరోయిన్‌ గా రమేష్ వర్మ దర్శకత్వంలో రూపొందిన ఖిలాడి సినిమా విడుదలకు సిద్దం అవుతోంది. ఈ సినిమాలోని చివరిదైన పాటను తాజాగా చిత్రీకరించారు. శేఖర్ మాస్టర్‌ నృత్య దర్శకత్వంలో ఆ పాటను షూట్‌ చేయడం జరిగింది. తాజాగా హీరోయిన్‌ డింపుల్‌ హయతి ఈ ఫొటోను సోషల్‌ మీడియాలో షేర్‌ చేసింది.

అందరి దృష్టిని ఆకర్షించే విధంగా ఉన్న ఈ ఫొటో లో రవితేజ మాస్ లుక్ మరియు హీరోయిన్‌ క్యూట్ నెస్ సినిమాలోని ఆ పాటపై అంచనాలు పెంచే విధంగా ఉన్నాయంటూ నెటిజన్స్ కామెంట్స్ చేస్తున్నారు.

ఖిలాడి సినిమా ను ఫిబ్రవరిలో విడుదల చేయబోతున్న విషయం తెల్సిందే. రవితేజ ఈ ఏడాది క్రాక్‌ సినిమాతో మంచి విజయాన్ని సొంతం చేసుకున్న రవితేజ ఖిలాడి ని కూడా ఇదే ఏడాది విడుదల చేయాలని భావించాడు.

కాని కరోనా రెండవ వేవ్‌ కారణంగా షూటింగ్ నిలిచి పోయింది. దాంతో ఖిలాడి సినిమా ఫిబ్రవరి కి వాయిదా పడింది. సినిమా విడుదలకు సంబంధించిన విషయమై తేదీ దగ్గర పడుతున్న నేపథ్యంలో మాస్ రాజా హడావుడి మొదలు అయ్యింది. ఖిలాడి చివరి పాట చిత్రీకరణ పూర్తి చేసిన మేకర్స్ ఇక పోస్ట్‌ ప్రొడక్షన్ వర్క్ ను ముగించబోతున్నారు. జనవరి చివరి నుండే ఖిలాడి ప్రమోషన్ కార్యక్రమాలు మొదలు పెట్టే అవకాశాలు ఉన్నాయంటున్నారు.

రవితేజ ఖిలాడి మాత్రమే కాకుండా వరుసగా సినిమాలు చేస్తున్నాడు. రామా రావు ఆన్ డ్యూటీ సినిమా ముగింపు దశకు వచ్చింది. మరో వైపు ధమాకా మరియు టైగర్ నాగేశ్వరరావులు కూడా పట్టాలెక్కేందుకు సిద్దంగా ఉన్నాయి. ఇక రావణసుర సినిమా ను కూడా రవితేజ మొదలు పెట్టబోతున్నాడు.

రాబోయే రెండేళ్లలో రవితేజ నుండి అయిదు ఆరు సినిమాలు వస్తాయని మేకర్స్ నమ్మకంగా చెబుతున్నారు. రవితేజ గతంలో ఈ రేంజ్ లో సినిమాలు చేసేవాడు. వరుసగా ప్లాప్‌ లు పడటం తో కాస్త స్లో అయిన రవితేజ మళ్లీ పుంజుకున్నాడు. వరుసగా సినిమాలను చేసేందుకు సిద్దం అయ్యాడు. వచ్చే రెండేళ్ల వరకు డేట్లు ఖాళీ లేకుండా నాలుగు అయిదు సినిమా లను ఆయన కమిట్ అయ్యాడు. మరి కొన్ని చర్చలు జరుగుతున్నాయి.