మాస్ హీరోతో కాజల్ హ్యాట్రిక్

ఏజ్ పెరిగినా టాలీవుడ్ లో క్రేజ్ తగ్గని బ్యూటీ కాజల్ అగర్వాల్. టాలీవుడ్ లో మీడియం హీరోల నుంచి టాప్ హీరోల వరకు దాదాపుగా అందరి పక్కన నటించింది. ఇప్పటికీ కాజల్ డెయిరీ బిజీగానే ఉంది. ఆఫర్లు ఆమెను వెతుక్కుంటూ వస్తూనే ఉన్నాయి.

టాలీవుడ్ చందమామ తాజాగా మరోసారి రవితేజతో జోడీ కట్టబోతోంది. సంతోష్ శ్రీనివాస్ డైరెక్షన్ లో మైత్రీ మేకర్స్ నిర్మించే మూవీలో హీరోయిన్ గా కాజల్ ను తీసుకున్నారు. తమిళ్ హిట్ మూవీ తెరికి రీమేక్ గా ఈ సినిమా తెరకెక్కబోతోంది. విజయ్ హీరోగా నటించిన తెరి మూవీ పోలీస్ పేరుతో ఇప్పటికే డబ్బింగ్ అయింది. అందుకే డైరెక్టర్ సంతోష్ శ్రీనివాస్ ఈ మూవీ కాన్సెప్ట్ మాత్రం తీసుకుంటున్నాడట. స్టోరీ అండ్ నెరేషన్ మొత్తం మార్చి కొత్తగా ప్రజంట్ చేయబోతున్నాడని తెలుస్తోంది.

రవితేజతో కాజల్ కలిసి నటించడం ఇది మూడోసారి. ఇంతకుముందు వీరిద్దరి కాంబినేషన్ లో సారొచ్చారు.. వీర సినిమాలు వచ్చాయి. అయితే ఈ రెండూ బాక్సాఫీస్ వద్ద బోల్తా కొట్టాయి. మరి ఈసారయినా వీరి కాంబినేషన్ హిట్ కొడుతుందేమో చూడాలి. రవితేజ ప్రస్తుతం చేస్తున్న నేలటిక్కెట్ షూటింగ్ పూర్తయ్యాక ఈ సినిమా షూట్ లో జాయినయ్యే అవకాశముంది.