ఓటీటీలో ధమాకా.. మరింత స్పెషల్​గా!

మాస్ మహారాజా రవితేజ ఫుల్​ ఫామ్​లో ఉన్నారు. గతేడాది డిసెంబర్​లో ధమాకాతో సూపర్​ హింట్​ అందుకున్నాడు. ఆ సినిమా రవితేజ కెరీర్‌లోనే బిగ్గెస్ట్ హిట్‌గా నిలిచింది. కమర్షియల్ ఎంటర్‌టైనర్‌గా రూపొందిన ఈ సినిమా మాస్ ప్రేక్షకులను ఎంటర్​టైన్ చేసి.. ఆకట్టుకుంది. ఇక ఈ సినిమాలో రవితేజ ఫుల్ ఫామ్​లోకి వచ్చేశాడు అని అనుకుంటున్నారు. మొత్తానికి ఈ చిత్రం రూ.100కోట్ల గ్రాస్ వసూళ్లను సాధించి.. సినిమా నిర్మాతలు, డిస్ట్రిబ్యూటర్స్‌కు భారీ లాభాల పంటను తెచ్చింది.

ఇక ఈ సినిమాను థియేటర్​లో మిస్ అయినా వారంతా ఓటీటీ రిలీజ్ కోసం ఎదురు చూస్తున్నారు. అందరి ఎదురు చూపులకు ఎట్టకేలకు తెరపడింది. ఈ సినిమా డిజిటల్ స్ట్రీమింగ్ హక్కులను కొనుగోలు చేసిన నెట్​ఫ్లిక్స్ సంస్థ... జనవరి 22 నుంచి స్ట్రీమింగ్ చేస్తోంది. ఈ రోజు అర్ధరాత్రి 12 గంటల నుంచి ఈ సినిమా అందుబాటులోకి వచ్చింది. అయితే ఇక్కడ ధమాకా కొత్త హంగులతో ఓటీటీలోకి అందుబాటులోకి వచ్చింది. అవి ఏంటంటే... ఈ సినిమాలోని డిలీటెడ్ సీన్స్​ను కూడా యాడ్ చేశారు. దీంతో నెట్​ఫ్లిక్స్​లో కూడా ఈ సినిమా మంచి ఆదరణను సొంత చేసుకుంటోంది.

పక్కా మాస్ కమర్షియల్ ఎంటర్​టైనర్​గా తెరకెక్కిన ఈ సినిమాను పీపుల్ మీడియా ఫ్యాక్టరీ, అభిషేక్ అగర్వాల్ ఆర్ట్స్ సంయుక్తంగా నిర్మించాయి. ఈ మూవీ ప్రపంచవ్యాప్తంగా డిసెంబర్ 23న విడుదలై కలెక్షన్ల వర్షం కురిపించింది. బ్రేక్ ఈవెన్ టార్గెట్‌ను వారం లోపే పూర్తి చేసింది. ఇక వంద కోట్ల గ్రాస్‌ను కూడా వసూలు చేసి... రవితేజ కెరీర్‌లోనే ఈ మూవీ బిగ్గెస్ట్ హిట్‌గా నిలిచింది. యంగ్ బ్యూటీ శ్రీ లీల హీరోయిన్‌గా నటించింది. త్రినాథరావు నక్కిన దర్శకత్వం వహించగా.. బెజవాడ ప్రసన్నకుమార్ రచయితగా వ్యవహరించాడు. భీమ్స్ సిసిరోలియో సంగీతం అందించాడు. కార్తిక్ ఘట్టమనేని సినిమాటోగ్రాఫర్‌గా పని చేశాడు.

ఇక తాజాగా రవితేజ మరో వందకోట్ల క్లబ్ సినిమాలో చేరాడు. సంక్రాంతికి రిలీజ్ అయిన వాల్తేరు వీరయ్యలో రవితేజ నటించిన విషయం తెలిసిందే. ఈ సినిమా కూడా బాక్స్ ఆఫీస్ వద్ద కలెక్షలన్ల వర్షం కురిపిస్తోంది. మెగాస్టార్ చిరంజీవి యాక్టింగ్​కు మాస్ మహారాజ్ ఎనర్జీ తోడై.. ఈ సినిమా లాభాల పంటను చవిచూస్తోంది. ఇక ఈ రెండు సినిమాలతో వరుసగా రవితేజ వంద కోట్ల క్లబ్​లోకి చేరాడు.