రవి తేజ కాన్ఫిడెన్స్ ...రీజన్ ఏంటి ?

గతేడాది రవి తేజ నుండి ఒక్క సినిమా కూడా రాలేదు. వరుస ఫ్లాపులు పలకరించడంతో చిన్న గ్యాప్ తీసుకొని రెండు సినిమాలతో రెడీ అవుతున్నాడు. ముందుగా 'డిస్కో రాజా' సినిమాతో థియేటర్స్ లోకి వస్తున్నాడు. మరో మూడు రోజుల్లో సినిమా ప్రేక్షకుల ముందుకు రాబోతుంది.

ఈ సినిమా ప్రమోషన్స్ లో భాగంగా మీడియా ముందుకొచ్చిన మాస్ మహారాజా చాలా కాన్ఫిడెంట్ గా మాట్లాడుతూ సినిమాపై తన నమ్మకాన్ని తెలియజేస్తున్నాడు. అయితే రవి తేజ ఇంత కాన్ఫిడెంట్ గా ఉండటానికి మెయిన్ రీజన్ సినిమాలో వర్కౌట్ అయిన కామెడీ అని తెలుస్తుంది.

మొన్నటి వరకూ సీరియస్ సబ్జెక్ట్స్ తో వచ్చిన రవి తేజ కి మళ్ళీ తన ఎనర్జీ చూపిస్తూ ఎంటర్టైన్ చేసే సినిమా పడిందట. ముఖ్యంగా కోమా నుండి బయటికొచ్చిన వచ్చిన క్యారెక్టర్ లో రవితేజ మళ్ళీ మునుపటి లా ఎంటర్టైన్ చేస్తాడని అంటున్నారు. అయితే నిజంగానే రవితేజ పెట్టుకున్న నమ్మకాన్ని ఈ సినిమా నిలబెట్టుకుంటుందా లేదా అనేది కొన్ని రోజుల్లో తేలిపోతుంది. ఒక వేళ సినిమా ఏ మాత్రం తేడా కొట్టినా రవితేజ నెక్స్ట్ సినిమా క్రాక్ మీద ఎఫెక్ట్ పడుతుంది.