ర‌వితేజ మూవీ రిలీజ్ డేట్స్‌ సీక్రెట్ చెప్పేశాడు

టాలీవుడ్ లో భారీ క్రేజీ చిత్రాలు రిలీజ్ కి రెడీగా వున్నాయి. అయితే గ‌త కొన్ని రోజులుగా వీటి రిలీజ్ కి అనుకూల వాతావ‌ర‌ణం క‌నిపించ‌డం లేదు. తాజాగా ప‌రిస్థితుల్లో మార్పులు చోటు చేసుకుంటున్నా మేక‌ర్స్ లో ఎక్క‌డో చిన్న భ‌యం.. ఆ కార‌ణంగా రిలీజ్ కి రెడీ గా వున్న చిత్రాల‌కు సేఫ్టీ కోసం రెండు రిలీజ్ డేట్ ల‌ని లాక్ చేసుకుంటున్నారు. ముందు ఈ ట్రెండ్ కి `ఆర్ ఆర్ ఆర్‌` మేక‌ర్స్ శ్రీ‌కారం చుట్టారు. ఆ త‌రువాత మిగ‌తా సినిమాల మేక‌ర్స్ కూడా దీన్ని ఫాలో కావ‌డం మొద‌లైంది.

`ఆర్ ఆర్ ఆర్‌` ని ముందు మార్చి 18న కానీ లేదా ఏప్రిల్ 28న కానీ ప్రేక్ష‌కుల ముందుకు తీసుకొస్తామంటూ మేక‌ర్స్ ప్ర‌క‌టించిన విష‌యం తెలిసిందే. దీంతో ఇదే ఫార్ములాని రాధేశ్యామ్‌, భీమ్లా నాయ‌క్‌, ఆచార్య‌, ఎఫ్ 3, రామారావు ఆన్ డ్యూటీ చిత్రాలు పాటించ‌డం మొద‌లుపెట్టాయి. తాజాగా `ఆర్ ఆర్ ఆర్‌` మార్చి 25నే వ‌చ్చేస్తున్నామ‌ని కొత్త డేట్ ని ప్ర‌క‌టించ‌డంతో మాస్ మ‌హారాజా ర‌వితేజ సినిమా పరిస్థితి ఇప్ప‌డు ఇర‌కాటంలో ప‌డింది.

మాస్ మ‌హారాజా ర‌వితేజ న‌టిస్తున్న `రామారావు ఆన్ డ్యూటీ` మూవీని మార్చి 25న రిలీజ్ చేస్తున్నామంటూ మేక‌ర్స్ చాలా రోజుల క్రిత‌మే ప్ర‌క‌టించారు. `ఆర్ ఆర్ ఆర్‌` కూడా అదే డేట్ ని ఫైన‌ల్ చేసుకోవ‌డంతో `రామారావు ఆన్ డ్యూటీ` కోసం రెండు రిలీజ్ డేట్ ల‌ని ప్ర‌క‌టించారు. ముందు అనుకున్న మార్చి 25 తో పాటు ఏప్రిల్ 15ని ఫైన‌ల్ చేసుకున్నారు. ఇదేంటి మార్చి 25ని ప‌క్క‌న పెట్టి ఏప్రిల్ 15ని ఫైన‌ల్ చేసుకోవ‌చ్చు క‌దా అని అంద‌రికి అనుమానం మొద‌లైంది. అయితే మార్చి 25న `ఆర్ ఆర్ ఆర్‌`.. పోటీప‌డుతుంటే ఏప్రిల్ 14న య‌ష్ న‌టించిన `కేజీఎఫ్ చాప్ట‌ర్ 2` రామ‌బోతోంది.

ఆ కార‌ణంగానే `రామారావు ఆన్ డ్యూటీ` కోసం రెండు రిలీజ్ డేట్ ల‌ని లాక్ చేసుకున్నార‌ట మేక‌ర్స్ అయితే ఈ రిలీజ్‌ డేట్ సీక్రెట్ ని ద‌ర్శ‌కుడు శ‌ర‌త్ మండ‌వ తాజాగా బ‌య‌ట‌పెట్టారు. `అనుకోకుండా ఈ డేట్ ల‌ని ఫిక్స్ చేయ‌లేద‌ని, అయితే మాకు మ‌రో ఛాయిస్ లేక‌పోవ‌డం వ‌ల్లే ఈ డేట్ ల‌ని ఫిక్స్ చేశామ‌ని ఓ క్రిటిక్ అడిగిన ప్ర‌శ్న‌కు శ‌ర‌త్ మండ‌వ రిప్లై ఇచ్చి `రామారావు ఆన్ డ్యూటీ` రిలీజ్ డేట్ లపై అస‌లు సీక్రెట్ బ‌య‌ట‌పెట్టాడు. దీంతో నెటిజ‌న్ లు అత‌ని ట్వీట్ కు ఫిదా అయిపోయారు. ప్ర‌స్తుతం శ‌ర‌త్ మండ‌వ చేసిన ట్వీట్ నెట్టింట వైర‌ల్ గా మారింది.