రవితేజ ది గ్రేట్ అంటారు

‘రాజా ది గ్రేట్’ సినిమా చూశాక ప్రతి ప్రేక్షకుడూ ‘రవితేజ ది గ్రేట్’ అని అంటారని.. తన మాటలు మార్క్ చేసి పెట్టుకోవాలని అన్నాడు ఈ చిత్ర దర్శకుడు అనిల్ రావిపూడి. రవితేజ పెర్ఫామెన్స్ చూసి తాను స్పీచ్ లెస్.. స్పెల్ బౌండ్ అయిపోయానని.. అని అనిల్ రావిపూడి చెప్పాడు. ముందు ఈ కథను వేరే హీరోతో అనుకున్నానని.. ఐతే రవితేజ వచ్చాక ఈ కథ స్వరూపమే మారిపోయిందని అన్నాడు అనిల్.

‘‘ఈ కథను నమ్మి నాతో సినిమా చేసినందుకు రవితేజ.. దిల్ రాజు గార్లకు చాలా చాలా థ్యాంక్స్. ఈ కథ అనుకోకుండా యు టర్న్ తీసుకుని రవితేజ గారి దగ్గరికి వెళ్లింది. ఆయన ఆ సినిమా చేయడానికి ఒప్పుకున్నాక కథ స్వరూపం మారింది. ఆయన ఇమేజ్ కు.. ఎనర్జీ లెవెల్స్ కు తగ్గట్లుగా కథ మారింది. ఆయన యాటిట్యూడ్.. ఎనర్జీ లెవెల్స్.. బాడీ లాంగ్వేజ్ వల్ల దీని స్థాయే మారిపోయింది. ఆయన ఎనర్జీ లెవెల్స్ నాలోకి రావడం వల్లే నేను ఇంత మంచి కథ రాయగలిగాను. ఆయన ఈ కథను తర్వాతి స్థాయికి తీసుకెళ్లారు. రేప్పొద్దున ఈ సినిమా విడుదలయ్యాక మార్నింగ్ షో అవ్వగానే అందరూ చెప్పే ఒకే మాట.. రవితేజ ది గ్రేట్. ఒక సినిమా మనకు మంచి పేరు తేబోతోందని మనకు ముందే తెలిసిపోతుంది. ఆ పాజిటివ్ వైబ్రేషన్స్ చూస్తాం. నాకు ఈ సినిమా విషయంలో అదే జరిగింది. సినిమా చూస్తున్నంతసేపూ నేను ఒక వైబ్రేషన్ ఫీలయ్యాను. రవితేజ గారి పెర్ఫామెన్సుకి స్పీచ్ లెస్ అయిపోయాను. ఈ సినిమా తీసే విషయంలో నాకు రాజు గారు చాలా చాలా ఫ్రీడమ్ ఇచ్చారు. ఏ రోజూ ఎంత ఖర్చవుతోందని అడగలేదు. అసలు బడ్జెట్ గురించి ఒక్క రోజు కూడా డిస్కషన్ లేదు. ఇక హీరోయిన్ మెహ్రీన్ ఈ సినిమాతో హ్యాట్రిక్ కొట్టడం పక్కా’’ అని ‘రాజా ది గ్రేట్’ ప్రి రిలీజ్ ఈవెంట్లో అనిల్ అన్నాడు.