రాజాతో పాయ‌ల్ మంచు కొండ‌ల్లోకి జంప్

మాస్ మ‌హారాజా ర‌వితేజ న‌టిస్తున్న తాజా చిత్రం `డిస్కోరాజా`. `ఎక్క‌డికి పోతావు చిన్న‌వాడా` ఫేమ్ వి.ఐ. ఆనంద్ ఈ చిత్రానికి ద‌ర్శ‌క‌త్వం వ‌హిస్తున్నారు. ఎ.ఆర్‌. మురుగ‌దాస్ శిష్యుడైన‌ ఆనంద్ న‌వ్య‌పంథా క‌థాంశంతో ఈ చిత్రాన్ని తెర‌కెక్కిస్తున్నారు. 90వ ద‌శ‌కంలో కుర్రాడికి నేటి త‌రానికి క‌నెక్ష‌న్ ఏమిట‌న్నది తెర‌పై చూపిస్తున్నార‌ట‌. ఇంత‌కుముందు విడుద‌ల చేసిన ర‌వితేజ‌ రెట్రో లుక్ ఆ విష‌యాన్ని స్ప‌ష్టం చేసింది.

ఈ సినిమాని జ‌న‌వ‌రి 25న రిలీజ్ చేయ‌నున్న సంగ‌తి తెలిసిందే. ప్ర‌స్తుతం శ‌ర‌వేగంగా బ్యాలెన్స్ షూటింగ్ ని పూర్తి చేస్తున్నారు. అందుకోసం ర‌వితేజ‌- పాయ‌ల్ రాజ్ పుత్ బృందం మ‌నాలి(హిమ‌చ‌ల్ ప్ర‌దేశ్)లో షూటింగులో పాల్గొంటున్నారు. మంచు కొండ‌ల్లో మైన‌స్ డిగ్రీ చ‌లిలో ఫ్రీజ్ అయిపోయే సీజ‌న్ ఇది. న‌వంబ‌ర్ సీజ‌న్ లోనే అక్క‌డ విప‌రీత‌మైన చ‌లి ఉంటుంది. దాదాపు భూ ఉప‌రిత‌లానికి 1800 అడుగుల ఎత్తున ఉండే హిల్ ఏరియా ఇది. మ‌నాలి నుంచి రోత‌న్ పాస్.. లే - ల‌దాక్ వంటి బ్యూటిఫుల్ ప్రాంతాలు పూర్తిగా మంచు దుప్ప‌టితో క‌ప్ప‌బ‌డి ఉంటాయి. ఇక సామాన్యుల‌కు ఈ స‌మ‌యంలో ఎంట్రీ ఉండ‌ని ప్రాంతాలివి. చెక్ పోస్టులు క్లోజ్ చేసి ఉంటాయి. రోడ్ల‌పై నుంచి ఐస్ గ‌డ్డ‌ల్ని తొల‌గించాల్సిన స‌న్నివేశం ఉంటుంది. అలాంటి రేర్ ప్లేస్ లో పాయ‌ల్ తో రాజా ఫుల్ స్వింగులో ఉన్నాడు మ‌రి.

మ‌నాలి షూటింగ్ కి సంబంధించిన ఫోటోల్ని పాయ‌ల్ త‌న అభిమానుల కోసం సామాజిక మాధ్య‌మాల్లో షేర్ చేసింది. ``షూటింగ్ విత్ మై రాక్ స్టార్ ర‌వితేజ`` అంటూ పాయ‌ల్ కాంప్లిమెంట్స్ ఇచ్చింది. అందుకు త‌గ్గట్టే ర‌వితేజ ఫోటో రాక్ స్టార్ నే త‌ల‌పిస్తోంది. 51 వ‌య‌సులోనూ అదే ఎన‌ర్జీ ఆయ‌న‌లో క‌నిపిస్తోంది. పాయ‌ల్ తో మైన‌స్ డిగ్రీ చ‌లిలో సూప‌ర్ ఫ‌న్ ని ఎంజాయ్ చేస్తున్నారు. మాస్ మ‌హారాజా.. గ‌డ్డ క‌ట్టే చ‌లిని త‌ట్టుకునేందుకు పూర్తిగా టాప్ టు బాట‌మ్ స్పోర్ట్స్ థ‌ర్మ‌ల్స్ తొడుక్కుని అటుపై బ్లాక్ జాకెట్ ధ‌రించారు. ఇక క‌ళ్ల‌కు బ్లాక్ గ్లాసెస్ అంతే ఆక‌ర్ష‌ణ‌గా ఉన్నాయి. రాజా ఏజ్ స‌గం త‌గ్గిన‌ట్టే క‌నిపిస్తోంది మ‌రి.