చత్రపతి నుండి రాధేశ్యామ్‌ వరకు ప్రభాస్ లో ఒక్కటే మార్పు

యంగ్‌ రెబల్ స్టార్‌ ప్రభాస్ గురించి ఎంతో మంది ఎన్నో రకాలుగా మాట్లాడారు.. మాట్లాడుతూనే ఉన్నారు. ఆయన మంచి తనం గురించి ఆయన దాన గుణం గురించి ఎప్పుడు చర్చ జరుగుతూనే ఉంటుంది. బాహుబలి సినిమా తర్వాత ప్రభాస్‌ పాన్‌ ఇండియా స్టార్ గా మారి పోయాడు. దేశ వ్యాప్తంగా ప్రభాస్ కు స్టార్‌ డమ్‌ ఉంది. ఆయన ఎంత పెద్ద స్టార్‌ అయినా.. ఒక్కో సినిమాకు వంద కోట్ల పారితోషికం తీసుకుంటూ ఉన్నా కూడా ఆయన సెట్‌ లో ప్రతి ఒక్కరితో కూడా చాలా క్లోజ్ గా.. ప్రతి ఒక్కరితో ఒకే విధంగా మాట్లాడుతూ ఉంటాడు అనేది ఇండస్ట్రీలో టాక్‌. డైరెక్టర్‌ కు ఎంత గౌరవం ఇస్తాడో లైట్‌ బాయ్ కి కెమెరా అసిస్టెంట్‌ కు కూడా ప్రభాస్ అంతే గౌరవం ఇస్తాడు అనేది టాక్‌. ఎన్నో సార్లు ఎన్నో సందర్బాల్లో ప్రభాస్‌ గురించి పలువురు మాట్లాడటం జరిగింది. ఇప్పుడు ప్రముఖ ఆర్ట్‌ డైరెక్టర్ రవీందర్ రెడ్డి ప్రభాస్ గురించి ఆసక్తికర వ్యాఖ్యలు చేయడం జరిగింది.

టాలీవుడ్‌ లో సీనియర్‌ మోస్ట్‌ ఆర్ట్‌ డైరెక్టర్ అయిన రవీందర్ రెడ్డి ఇటీవల ఒక ఇంటర్వ్యూలో మాట్లాడుతూ.. ప్రభాస్‌ ను చత్రపతి సినిమా టైమ్ నుండి చూస్తున్నాను. ఆయన తాజాగా నటించిన రాధే శ్యామ్ సినిమాకు కూడా ఆయనతో కలిసి వర్క్ చేశాను. అప్పటి నుండి ఇప్పటి వరకు ప్రభాస్ లో తాను ఒకే ఒక్క విషయంలో మార్పు గమనించాను అన్నాడు. ఇతరుల పట్ల ఆయనకు ఉన్న గౌరవం విషయంలో ఎలాంటి మార్పు రాలేదు. సినిమా కోసం కష్టపడే విషయంలో మార్పు రాలేదు.. కాని ఇంతకు ముందు షూటింగ్‌ సమయంలో సెట్‌ లో చాలా కామ్‌ గా ఉండేవాడు. కాని ఇప్పుడు సెట్‌ లో ప్రతి ఒక్కరి మీద జోకులు వేస్తూ అందరిని నవ్విస్తూ ఉన్నాడు. ఆయనతో ఉంటే సమయం అలా గడిచి పోతుంది అన్నట్లుగా ప్రభాస్ గురించి రవీందర్ రెడ్డి చెప్పుకొచ్చాడు.

ప్రభాస్ ప్రస్తుతం చేస్తున్న సినిమాలన్నీ కూడా పాన్ ఇండియా సినిమాలు.. అవి కూడా వందల కోట్ల భారీ బడ్జెట్‌ సినిమాలు. రాధే శ్యామ్‌ సినిమా దేశ వ్యాప్తంగా భారీ ఎత్తున సంక్రాంతికి విడుదల అవ్వాల్సి ఉన్నా కూడా కరోనా వల్ల వాయిదా వేస్తున్నట్లుగా ఇటీవలే ప్రకటించారు. ఇక ఆయన తదుపరి సినిమాల విషయానికి వస్తే ఆదిపురుష్‌ షూటింగ్ పూర్తి చేసి పోస్ట్‌ ప్రొడక్షన్‌ వర్క్‌ జరుపుకుంటూ ఉంది. మరో వైపు సలార్‌ చిత్రీకరణ సగం వరకు పూర్తి అయ్యింది. మరో వైపు ప్రాజెక్ట్‌ కే కూడా పట్టాలెక్కింది. స్పిరిట్‌ సినిమాను ఈ ఏడాది చివర్లో పట్టాలెక్కిస్తారనే వార్తలు వస్తున్నాయి. మొత్తానికి ప్రభాస్‌ వందల కోట్ల సినిమాలు బ్యాక్ టు బ్యాక్ చేస్తూ టాలీవుడ్‌ లోనే కాకుండా బాలీవుడ్‌ లో కూడా టాప్‌ స్టార్‌ హీరో అని నిరూపించుకుంటున్నాడు.