స్పీడ్ చూపిస్తున్న మాస్ రాజా.. ది గ్రేట్

రవితేజ ఏడాదికి పైగా సమయం కేవలం వెకేషన్స్ తరహా పర్సనల్ గా కేటాయించినా.. ఇప్పుడు మాత్రం తెగ స్పీడ్ పెంచేశాడు. సహజంగా ఏడాదికి రెండు-మూడు సినిమాలు రిలీజ్ చేసేయడం మాస్ మహరాజ్ స్టైల్. ఇప్పుడు ఏడాది తర్వాత కూడా మళ్లీ మొహానికి రంగేసుకుంటూ కూడా అదే జోరు చూపించేస్తున్నాడు.

కేవలం రెండు రోజుల గ్యాప్ లో రెండు సినిమాలను అనౌన్స్ చేసిన రవితేజ.. అప్పుడే ఓ మూవీ స్టార్టింగ్ కి ముహూర్తం కూడా అనౌన్స్ చేసేశాడు. రేపు అంటే.. ఫిబ్రవరి 6న 'రాజా ది గ్రేట్' అనే మూవీ షూటింగ్ అధికారికంగా ప్రారంభం కానుంది. అనిల్ రావిపూడి దర్శకత్వంలో రూపొందనున్న ఈ చిత్రంలో.. రవితేజ ఒక అంధుడి పాత్రలో చేయనున్న చేస్తున్నాడు. గుడ్డివాడి రోల్ చేస్తున్నా.. ఇది పక్కా కమర్షియల్ మూవీ అని ఇప్పటికే చెప్పేశాడు అనిల్ రావిపూడి. దిల్ రాజు బ్యానర్ లో తెరకెక్కుతున్న ఈ చిత్రాన్ని శిరీష్ నిర్మించనున్నాడు.

మరోవైపు టచ్ చేసి చూడు అంటూ మరో మూవీని కూడా రవితేజ ఫిబ్రవరిలోనే షూటింగ్ ప్రారంభించనున్నాడు. రేసుగుర్రం స్క్రీన్ ప్లే రైటర్ విక్రమ్ సిరికొండ ఈ మూవీకి డైరెక్షన్ వహించనుండగా.. వల్లభనేని వంశీ నిర్మాత. మొత్తం మీద ఏడాది తర్వాత కూడా మాస్ రాజా స్పీడ్ ఏ మాత్రం తగ్గకపోవడం విశేషం.

Like Us on Facebook : https://www.facebook.com/Tupakidotcom/