'ధమాకా' పోస్టర్: అల్ట్రా-స్టైలిష్ లుక్ లో మాస్ మహారాజా..!

మాస్ మహారాజా రవితేజ లైన్ లో పెట్టిన ఆసక్తికరమైన చిత్రాల్లో ''ధమాకా'' కూడా ఒకటి. ఇది స్టార్ హీరో కెరీర్ లో 69వ చిత్రం. త్రినాథ రావు నక్కిన తెరకెక్కిస్తున్న ఈ అవుట్ అండ్ అవుట్ ఎంటర్టైనర్ 'డబుల్ ఇంపాక్ట్' అనే ట్యాగ్ లైన్ తో వస్తోంది. అనౌన్స్ మెంట్ పోస్టర్ తోనే ఇంట్రెస్ట్ కలిగించిన మేకర్స్.. నేడు (జనవరి 26) రవితేజ పుట్టినరోజు సందర్భంగా ఆయనకు శుభాకాంక్షలు తెలుపుతూ ఈ చిత్రానికి సంబంధించిన కొత్త పోస్టర్ ను విడుదల చేశారు.

రవితేజ ఈ పోస్టర్ లో బ్లాక్ జీన్స్ - చారల చొక్కా ధరించి అల్ట్రా-స్టైలిష్ లుక్ లో జాయ్ ఫుల్ గా కనిపిస్తున్నారు. బ్యాక్ గ్రౌండ్ లో డ్యాన్సర్స్ మరియు అతని ఫోజ్ ను పరిశీలిస్తే ఈ స్టిల్ సినిమాలోని డ్యాన్స్ నంబర్ లోనిదని అర్థం అవుతుంది. మొత్తం మీద 'ధమాకా' కలర్ ఫుల్ పోస్టర్ మాస్ రాజా లోని ఎనర్జీని ఆవిష్కరిస్తోంది. ఇందులో “ప్రాసెస్ ను ఆస్వాదిస్తున్నాం” అని రాసి ఉండటాన్ని బట్టి చూస్తే, చిత్రీకరణలో టీమ్ అంతా బాగా ఎంజాయ్ చేస్తున్నట్లు తెలుస్తోంది.

''ధమాకా'' చిత్రాన్ని పీపుల్స్ మీడియా ఫ్యాక్టరీ మరియు అభిషేక్ అగర్వాల్ ఆర్ట్స్ బ్యానర్స్ సంయుక్తంగా భారీ స్థాయిలో రూపొందిస్తున్నాయి. టీజీ విశ్వ ప్రసాద్ నిర్మిస్తున్న ఈ చిత్రానికి వివేక్ కూచిభొట్ల సహ నిర్మాతగా వ్యవహరిస్తున్నారు. ఈ సినిమాలో ప్రముఖ నటీనటులు మరియు అగ్రశ్రేణి సాంకేతిక నిపుణులు భాగం అవుతున్నారు.

ప్రసన్న కుమార్ బెజవాడ ఈ చిత్రానికి కథ - మాటలు అందిస్తున్నారు. భీమ్స్ సిసిరోలియో సంగీతం సమకూరుస్తుండగా.. కార్తీక్ ఘట్టమనేని సినిమాటోగ్రఫీని నిర్వహిస్తున్నారు. శ్రీనాగేంద్ర తంగాల ప్రొడక్షన్ డిజైనర్ గా వర్క్ చేస్తున్నారు. ఇందులో నటించే ఇతర నటీనటులు మరియు సిబ్బంది వివరాలు త్వరలో వెల్లడికానున్నాయి. రవితేజ - త్రినాధరావు నక్కిన వంటి ఆసక్తికరమైన కాంబోలో రాబోతున్న ''ధమాకా'' చిత్రం అపరిమిత వినోదాన్ని అందింస్తుందని అభిమానులు భావిస్తున్నారు.