సెట్ లో మాస్ రాజా ఏం చేస్తున్నాడో తెలుసా?

మాస్ మ‌హారాజా ర‌వితేజ న‌టించిన యాక్ష‌న్ ఎంట‌ర్ టైన‌ర్ `ఖిలాడీ`. ర‌మేష్ వ‌ర్మ డైరెక్ట్ చేసిన ఈ మూవీ రీసెంట్ గా విడుద‌లైన విష‌యం తెలిసిందే. మాస్ రాజా ర‌వితేజ డ్యుయెల్ రోల్ లో న‌టించిన ఈ చిత్రంపై భారీ అంచ‌నాలే క్రియేట్ అయినా బాక్సాఫీస్ వ‌ద్ద‌కు వ‌చ్చేస‌రికి సినిమా ఆశించిన ఫ‌లితాన్ని అందించ‌లేక‌పోయింది.

మీనాక్షీ దీక్షిత్ , డింపుల్ హ‌యాతీ అందాలు.. మాస్ రాజా మార్వ‌లెస్ పెర్ఫార్మెన్స్ ఈ చిత్రాన్ని ప్రేక్ష‌కుల‌కు చేరుచేయ‌లేక‌పోయాయి. సినిమా ఫ‌లితం తేలిపోవ‌డంతో హీరో మాస్ మ‌హారాజా ర‌వితేజ త‌న త‌దుప‌రి చిత్ర ప‌నుల్లో నిమ‌గ్న‌మైపోయారు.

`ఖిలాడీ` త‌రువాత బ్యాక్ టు బ్యాక్ నాలుగు చిత్రాల‌ని లైన్ లో పెట్టేసిన ర‌వితేజ ఇప్ప‌టికే `రామారావు ఆన్ డ్యూటీ` మూవీని పూర్తి చేశాడు. ప్ర‌స్తుతం ఈ మూవీకి సంబంధించిన పోస్ట్ ప్రొడ‌క్ష‌న్ కార్య‌క్ర‌మాలు జ‌రుగుతున్నాయి. మార్చి నెలాఖ‌రులో కానీ ఏప్రిల్ లో కానీ ఈ మూవీని ప్రేక్ష‌కుల ముందుకు తీసుకురానున్నారు.

ఈ మూవీ త‌రువాత రావ‌ణాసుర‌..ధ‌మాకా... టైగ‌ర్ నాగేశ్వ‌ర‌రావు చిత్రీక‌ర‌ణ ద‌శ‌లో వున్నాయి. ఇందులో `రావ‌ణాసుర‌` ఇటీవ‌లే లాంఛ‌నంగా మెగాస్టార్ చేతుల మీదుగా ప్రారంభ‌మై ఫుల్ జోష్ తో షూటింగ్ జ‌రుపుకుంటోంది.

ప్ర‌స్తుతం ర‌వితేజ `ధ‌మాకా` సెట్ లో హ‌ల్ చ‌ల్ చేస్తున్నారు. త్రినాథ‌రావు న‌క్కిన డైరెక్ట్ చేస్తున్న ఈ చిత్రాన్ని పీపుల్స్ మీడియా ఫ్యాక్ట‌రీ, అభిషేక్ పిక్చ‌ర్స్ బ్యాన‌ర్ ల‌పై అభిషేక్ అగ‌ర్వాల్, టీ.జి. విశ్వ‌ప్ర‌సాద్ నిర్మిస్తున్నారు. ఈ మూవీ షూటింగ్ ప్ర‌స్తుతం హైద‌రాబాద్ లో జ‌రుగుతోంది. హీరో ర‌వితేజ పాల్గొన‌గా కీల‌క స‌న్నివేశాల‌ను ద‌ర్శ‌కుడ త్రినాథ‌రావు న‌క్కిన చిత్రీక‌రిస్తున్నారు.

సెట్ లో షూటింగ్ కి బ్రేక్ ల‌భించ‌డంతో ర‌వితేజ ప్ర‌త్యేకంగా వేసిన చైర్ లో కూర్చుని క‌నిపించారు. ఇదే ఫొటోని సోష‌ల్ మీడియా ఇన్ స్టా గ్రామ్ వేదిక‌గా అభిమానుల‌తో పంచుకున్నారు. ఇంత‌కీ ఈ ఫొటోలో ర‌వితేజ ఏంచేస్తున్నాడు? .. చేతిలో వుందేంటీ? అని ఆరా తీస్తే .. ర‌వితేజ షాట్ గ్యాప్ లో త‌న స్మార్ట్ ఫోన్ లో ఏదో వెతుకుతున్న‌ట్టుగా క‌నిపించారు. ఈ ఫొటో ప్ర‌స్తుతం నెట్టింట వైర‌ల్ గా మారింది. ర‌వితేజ న‌టిస్తున్న `ధ‌మాకా`లో `పెళ్లి సంద‌D` ఫేమ్ శ్రీ‌లీల హీరోయిన్ గా న‌టిస్తోంది. భీమ్స్ సిసిరోలియో సంగీతం అందిస్తున్నారు.