సినిమా సరే.. మాస్ బాబు మరిక్కడ లేడే

బెంగాల్ టైగర్ లో తన స్టైల్ మాస్ హీరోగా గర్జించేసి.. సెక్సీ బ్యూటీలతో నానా రచ్చ చేసేసి.. మాంచి హిట్ కొట్టిన రవితేజ.. అప్పటి నుంచి ఇప్పటివరకూ మేకప్ వేసుకోవాల్సిన అవసరమే రాలేదు. అడపాదడపా స్టోరీ డిస్కషన్స్ లో పాల్గొని.. కొన్ని ప్రాజెక్టులు ఓకే చేసినా.. అవేవీ పట్టాలెక్క లేదు. రీసెంట్ గా మాత్రం అనిల్ రావిపూడితో ఓ సినిమాని ఫైనల్ చేశాడు మాస్ మహరాజ్.

ఎన్టీఆర్ కోసం రాసుకున్న సబ్జెక్ట్ నే.. ఇప్పుడు రవితేజ ఓకే చేశాడనే టాక్ ఉంది. దిల్ రాజుతోనే ఎవడో ఒకడు చేయాల్సి ఉండి.. అది ఆగిపోవడంతో.. బ్రేక్ పడ్డ రవితేజ కెరీర్.. మళ్లీ దిల్ రాజు మూవీతోనే పట్టాలెక్కుతుండడం యాదృచ్ఛికమే. అయితే.. ఏడాది తర్వాత సినిమా ఓకే చేశాడు కదా.. మాస్ మహరాజ్ ఇఫ్పుడు ఈ ప్రాజెక్టును సీరియస్ గా తీసుకుంటాడని ఎక్స్ పెక్ట్ చేయడం సహజం. కానీ ఇతగాడు మాత్రం మళ్లీ చాలా సింపుల్ గా జమైకా ఫ్లైట్ ఎక్కేసి.. అక్కడ చక్కర్లు కొట్టేస్తున్నాడు.

ఫ్రెండ్స్ తో కలిసి లాంగ్ టూర్ ప్లాన్ చేసుకున్నాడు. అమెరికా అంతా చుట్టొచ్చేలా 15 రోజుల పాటు అక్కడే ఉంటాడట రవితేజ. చకచకా అన్నీ ఫైనల్ చేసి.. ప్రీప్రొడక్షన్ పనులు పూర్తి చేసి.. సినిమాను సెట్స్ పైకి తీసుకెళ్తాడని అభిమానులు ఆశిస్తే.. రవితేజ మాత్రం మళ్లీ టూర్స్ బాట పట్టడం ఆశ్చర్యకరమే.

Like Us on Facebook : https://www.facebook.com/Tupakidotcom/