టాలీవుడ్ తారల కూల్ కూనూర్ టూర్

ఎండలు బాగా దంచేస్తున్నాయ్ కదా.. అందుకే ఎంచక్కా ఓ హై స్పీడ్ సమ్మర్ క్యాంప్ వేసేసుకున్నారు టాలీవుడ్ తారలు. దగ్గుబాటి రానా - మాస్ మహరాజ్ రవితేజ - మంచు లక్ష్మి సహా.. పలువురు ఫ్రెండ్స్ తో పాటు వారి ఫ్యామిలీ మెంబర్లతో కలిసి తమిళనాడులోని కూనూర్ కి సమ్మర్ ట్రిప్ వెళ్లారు.

'ఫ్రెండ్స్/ఫ్యామిలీతో కలిసి వెళ్లిన క్విక్ వెకేషన్ నుంచి తిరిగి వచ్చాం. ఎంతో చల్లనైన ఆ ప్రదేశాల నుంచి మళ్లీ వేడిలోకి వచ్చేశాం. ఆ కొండలను మిస్ అయినా.. రాళ్లను ప్రేమిస్తున్నా' అంటూ ట్వీట్ చేశాడు దగ్గుబాటి రానా. అంతే కాదు.. అక్కడ ఎంజాయ్ చేసిన ఫోటోలను కూడా పోస్ట్ చేశాడు. ఫ్రెండ్స్ / ఫ్యామిలీతో కలిసి వెళ్లిన వెకేషన్ కావడంతో.. అందరూ తెగ ఉత్సాహంగా కనిపిస్తున్నారు. ముఖ్యంగా దగ్గుబాటి రానా అయితే.. బాహుబలి2 కోసం భల్లాలదేవుడి గెటప్ లోకి మారుతున్నాడనే విషయం అర్ధమవుతోంది.

ఇక మాస్ మహరాజ్ రవితేజ.. క్లీన్ షేవ్ తో సూపర్ కూల్ గా ఉన్నాడు. మంచు లక్ష్మి కూడా ఈ హాలీడే టూర్ ని తెగ ఎంజాయ్ చేసినట్లు చెబుతోంది. 'ఫ్రెండ్స్ ఫర్ ఎవర్' అంటూ తన సినీ రంగ స్నేహితుడైన రవితేజ గురించి చెప్పింది మంచు వారసురాలు. మొత్తానికి హైస్పీడ్ వెకేషన్ పూర్తి చేసేసుకుని.. అంతా రెగ్యులర్ వర్క్ లో పడిపోయారు.