RC15 యాక్షన్‌ ఎపిసోడ్స్ ఇంట్రెస్టింగ్ అప్‌డేట్‌

స్టార్‌ దర్శకుడు శంకర్‌ దర్శకత్వంలో సినిమా అంటే సహజంగానే అంచనాలు పీక్స్ లో ఉంటాయి. ఆ అంచనాలు ఏమాత్రం తగ్గకుండా ఇప్పుడు రామ్‌ చరణ్‌ తో ఆయన సినిమాను చేస్తున్నాడు. మొదటి షెడ్యూల్‌ ను పుణె లో చేసిన మేకర్స్ రెండవ షెడ్యూల్‌ ను హైదరాబాద్ లో చేస్తున్నారు. సెకండ్ షెడ్యూల్‌ లో హీరోయిన్ కియారా అద్వానీ కూడా పాల్గొంటుంది. తాజా షెడ్యూల్‌ లో భారీ యాక్షన్ సన్నివేశాలను చిత్ర యూనిట్‌ సభ్యులు చిత్రీకరిస్తున్నారు. ఇటీవల సోషల్ మీడియాలో లీక్ అయిన కొన్ని పిక్స్ సినిమా లోని యాక్షన్‌ సన్నివేశాలు మరో లెవల్‌ లో ఉంటాయనే నమ్మకంను కలిగిస్తున్నాయి.

చరణ్ 15 సినిమా లో కనిపించబోతున్న ఫైటర్స్ అంటూ కొన్ని ఫొటోలు నెట్టింట సందడి చేశాయి. ఆ ఫొటోల్లో నిజం ఎంత అనేది క్లారిటీ లేదు... కాని ఆర్‌సీ 15 సినిమా లో యాక్షన్ ఎపిసోడ్స్ మరో లెవల్‌ లో ఉంటాయనే నమ్మకంను యూనిట్‌ సభ్యులు వ్యక్తం చేస్తున్నారు. రామ్‌ చరణ్‌ యాక్షన్‌ సన్నివేశాల్లో ఏ రేంజ్ లో తన ప్రతిభ కనబర్చుతాడు అనేది ఇప్పటికే వచ్చిన ఆయన సినిమాలు.. త్వరలో రాబోతున్న ఆర్‌ ఆర్‌ ఆర్ సినిమా చెప్పకనే చెప్పాయి.. చెప్పబోతుంది. రామ్‌ చరణ్‌ ఇమేజ్ కు తగ్గట్లుగా అద్బుతమైన యాక్షన్ సన్నివేశాలను డిజైన్‌ చేయిస్తున్నారట. ఇందుకోసం హాలీవుడ్‌ స్టంట్స్ మాస్టర్స్ తో కూడా చర్చలు జరుపుతున్నట్లుగా తెలుస్తోంది.

ఆర్ ఆర్ ఆర్‌ సినిమా తో చరణ్‌ పాన్ ఇండియా స్టార్‌ గా మారబోతున్నాడు. వెంటనే రాబోతున్న శంకర్‌ సినిమా కూడా చరణ్‌ కు బాలీవుడ్ లో మరింత గుర్తింపు తెచ్చి పెట్టడం ఖాయం. దాంతో ముందు ముందు ఆయన అన్ని సినిమాలు కూడా పాన్ ఇండియా రేంజ్ లో ఉండటం ఖాయం అనే నమ్మకంను అభిమానులు వ్యక్తం చేస్తున్నారు. బిగ్గెస్ట్‌ బ్లాక్ బస్టర్ గా చరణ్‌ శంకర్ సినిమా ఉంటుందని అంటున్నారు. దిల్‌ రాజు ఈ సినిమా ను నిర్మిస్తుండగా కీలక పాత్రలో సునీల్ మరియు శ్రీకాంత్ ఇంకా ప్రముక నటీ నటులు నటిస్తున్నారు.