బిగ్ బాస్ కి సిద్ధ‌మే కానీ కండీష‌న్స్ అప్లై!

ఆర్జీవీతో బిగ్ బాస్ బ్యూటీ అరియానా గ్లోరీ ఇంట‌ర్వ్యూ ప్ర‌కంప‌నాలు మ‌రువ‌క ముందే.. ఆర్జీవీ నోటి నుంచి మ‌రో ప్ర‌క‌ట‌న వెలువ‌డింది. పాపుల‌ర్ టీవీ రియాలిటీ షో బిగ్ బాస్ పై రామ్ గోపాల్ వ‌ర్మ‌ ఆసక్తికరమైన వ్యాఖ్యలు చేసారు. తాను బిగ్ బాస్ ఇంట్లోకి ప్ర‌వేశించాలంటే కండీష‌న్స్ ఏమిటో చెప్పారు.

ఆర్జీవీ బిగ్ బాస్ ఇంట్లోకి ప్రవేశించడానికి ఉన్న ఏకైక షరతు అతని చుట్టూ మహిళా పోటీదారులు మాత్ర‌మే ఉండాల‌ట‌. ఈ షరతుకు ఓకే అయితే తాను మూడు నెలలు బిగ్ బాస్ ఇంటిలో అడుగుపెడతాన‌ని అన్నారు.

ఒక‌వేళ ఆర్జీవీ ప్ర‌వేశిస్తే ఇక బిగ్ బాస్ ఇంట్లో ఏం జ‌రుగుతుందో అభిమానులు అప్పుడే ఊహించుకోవ‌డం కూడా మొద‌లైంది. తాను మ‌హిళా జాతి మొత్తాన్ని ప్రేమిస్తాన‌ని చెప్పుకునే ఆర్జీవీ పురుషుల్ని మాత్రం హేట్ చేస్తారు. అందుకే బిగ్ బాస్ ఇంట్లో కూడా త‌న చుట్టూ ఆడాళ్లే ఉండాల‌ని కండీష‌న్ పెట్టాడు. అస‌లు తాను మ‌హిళ‌ల అందాల్ని చూసేందుకు మాత్రమే ఆస‌క్తిగా ఉంటాన‌ని ఆడాళ్ల‌ను ఆరాధిస్తాన‌ని చెప్పే ఆర్జీవీని బిగ్ బాస్ ఎలా త‌ట్టుకుంటారో కానీ..! అంటూ గుస‌గుస మొద‌లైంది. ఆర్జీవీ తెర‌కెక్కించిన డీ కంపెనీ ఇటీవ‌ల ఓటీటీలో రిలీజైంది. ఇత‌ర సినిమాల రిలీజ్ ఆల‌స్య‌మ‌వుతోంది.