కూల్ మెగా సెల్ఫీ - వైరల్ పిక్

ఎవరి సినిమాల్లో వారు బిజీగా ఉన్నా అవకాశం ఉన్నప్పుడంతా మెగా హీరోలు కలుసుకుంటూనే ఉన్నారు. చిరు ఫ్యామిలీ నుంచి ఎందరు వచ్చినా ఎవరికి వారు టాలెంట్ ప్రూవ్ చేసుకోవడంలో సక్సెస్ అవుతూ ఉండటంతో అందరి చేతిలో ప్రాజెక్ట్స్ ఉన్నాయి. ఇవాళ సోషల్ మీడియాలో వైరల్ అవుతున్న ఈ పిక్ చూస్తే యంగ్ మెగా హీరోస్ మధ్య ఎంతటి బాండింగ్ ఉందో చెప్పకనే చెబుతోంది. రామ్ చరణ్ తేజ్, వరుణ్ తేజ్, సాయి ధరం తేజ్, నీహారిక ఇందులో ఉండగా బోనస్ గా తేజు తమ్ముడు వైష్ణవ్ తేజ్ ఇందులో ఉండటం కొసమెరుపు. తనని కూడా సినిమాల్లోకి తీసుకొచ్చేందుకు ప్రయత్నాలు జరుగుతున్నాయని ఈ మధ్యే వార్తలు వస్తున్నాయి. కుర్రాడు కూడా బాగానే లుక్స్ తో ఆకట్టుకునేలా ఉన్నాడు కాబట్టి రేపో ఎల్లుండి జరిగినా ఆశ్చర్యం లేదు. మెగా ఫాన్స్ ఈ పిక్ ని షేర్ చేసుకుంటూ సోషల్ మీడియాలో వైరల్ చేస్తున్నారు.

రామ్ చరణ్ రంగస్థలం ఫినిషింగ్ లో ఉండగా, సాయి ధరం తేజ్ ఇంటెలిజెంట్ పూర్తి చేసే పనుల్లో ఉన్నాడు. వరుణ్ తేజ్ తొలిప్రేమ ఫిబ్రవరి రెండో వారంలో విడుదలకు సిద్దంగా ఉంది. నీహారికా నటించిన తమిళ్ సినిమా రిలీజ్ డేట్ కన్ఫర్మ్ కావలసి ఉంది. ఇక వైష్ణవ్ ఒక్కడే సినిమాలకు సంబంధం లేకుండా ఈ సెల్ఫీలో ఉన్నాడు. ఇతగాడు త్వరలో హీరో అయిపోతే మరో నెంబర్ చేరుతుంది. మరోవైపు చిరు చిన్నల్లుడు కళ్యాణ్ కానుగంటిని పరిచయం చేసే కార్యక్రమాలు కూడా ఊపందుకున్నాయి. మెగా హీరోల నెంబర్ డబుల్ డిజిట్ దాటేసింది కాని అందరూ కలిసి మనం తరహాలో ఒక ఫ్యామిలీ మల్టీ స్టారర్ లో నటిస్తే ఎలా ఉంటుందంటారు. ఇవన్ని ఊహల్లో బాగానే ఉంటాయి కార్యరూపం దాల్చాలంటే అంత ఈజీ కాదు లేండి.