2 స్టేట్స్ అప్ డేట్స్ లేవేంటి ?

గత ఏడాది లిమిటెడ్ బడ్జెట్ తో రూపొందిన యాక్షన్ థ్రిల్లర్ గూఢచారితో మెప్పించిన అడవి శేష్ తర్వాత చేస్తున్న కొత్త సినిమాల విషయంలో సరైన అప్ డేట్స్ అందటం లేదు. యాంగ్రీ యంగ్ మ్యాన్ రాజశేఖర్ తనయ తెరంగేట్రంలో అడవి శేష్ హీరోగా హిందీ సూపర్ హిట్ 2 స్టేట్స్ రీమేక్ ను కొన్ని నెలల క్రితమే గ్రాండ్ గా లాంచ్ చేసార. శివాని రాజశేఖర్ ఫస్ట్ మూవీ కాబట్టి ఆయన అభిమానులు అంచనాలు బాగానే పెట్టుకున్నారు. గూడచారి తర్వాత ప్రాజెక్ట్ కాబట్టి అడవి శేష్ కూడా దీని మీద మంచి ఆసక్తి చూపించాడు.

కొన్ని రోజులు షూటింగ్ సవ్యంగానే సాగింది. వెంకట్ కుంచెం దర్శకుడిగా కొంత కాలం జరుపుకుంటూ వచ్చారు. అయితే ఫిలిం నగర్ టాక్ ప్రకారం దీనికి బ్రేక్ ఇచ్చారు. యూనిట్ మాటల్లో చెప్పాలంటే తాత్కాలిక విరామం. ఇదేమి భారీ బడ్జెట్ గ్రాఫిక్స్ మూవీ కాదు. మల్టీ స్టారర్ అసలే కాదు. కాల్ షీట్స్ సమస్య వచ్చే రేంజ్ లో డిమాండ్ ఉన్న ఆర్టిస్టులు లేరు. మరి ఎందుకు బ్రేక్ వచ్చింది అనే డౌట్ రావడం సహజం.

కాని ఇన్ సైడ్ టాక్ వేరుగా ఉంది. దర్శకుడికి హీరోకు ఏదో క్రియేటివ్ గ్యాప్ రావడం వల్ల షూటింగ్ ని హోల్డ్ లో పెట్టారట. అది హీరో పాత్రకు ప్రాధాన్యం ఇవ్వకపోవడం వల్లనా లేక శివాని రోల్ ని పెంచడం వల్లనా అనే దాని మీద రకరకాలుగా ప్రచారం జరుగుతోంది. అయితే దీనికి స్పష్టత రావాలి అంటే అడవి శేష కాని వెంకట్ కుంచెం కాని స్పందిస్తే బెటర్. ఆన్ లొకేషన్ స్టిల్స్ కాని ఫస్ట్ లుక్స్ కాని ఏవి వదిలే ఆలోచనలో టీం లేదు. అలాంటప్పుడే ఇలాంటి గాసిప్స్ కు ఇంకా బలం చేకూరుతుంది. చూడాలి వీటికి ఎప్పుడు చెక్ పడుతుందో