బందోబస్త్ మిస్ కు కారణం అదేనట

ఇటీవలే విడుదలైన సూర్య కొత్త సినిమా బందోబస్తు టీజర్ మెల్లగా హైప్ ని పెంచుకుంటోంది. గత కొంత కాలంగా మార్కెట్ లేక బాగా డౌన్ అయిపోయిన సూర్యకు ఇది ఖచ్చితంగా బ్రేక్ ఇస్తుందనే నమ్మకంతో ఉన్నారు నిర్మాతలు. అయితే ఇందులో కీలకమైన మరో పాత్ర చేసిన ఆర్య స్థానంలో ముందు శిరీష్ ను అనుకున్నారని రషెస్ నచ్చక డ్రాప్ అయ్యారని కొంత ప్రచారం జరిగింది. కానీ వాస్తవం వేరుగా ఉందట.

బందోబస్తుకు ముందు శిరీష్ ను సంప్రదించిన మాట వాస్తవమే కానీ సరిగా అదే సమయంలో ఎబిసిడి కోసం బల్క్ డేట్స్ ఇచ్చేసిన శిరీష్ కు వాటితోనే సూర్య మూవీకి క్లాష్ రావడంతో ముందు ఆ కారణమే చెప్పారట. దానికి తోడు ఆర్య పాత్ర చాలా రగ్డ్ గా ఉంటుంది. అది శిరీష్ కు సెట్ కాదు. అందుకే ఎక్కువ ఆలస్యం చేయకుండా కాప్పన్(తమిళ వెర్షన్ పేరు)కు నో చెప్పాడట శిరీష్. కానీ చెన్నై మీడియాలో దీని గురించి ఇంకోలా ప్రచారం జరగడంతో ఇక్కడ సైతం దానికి ప్రాచుర్యం లభించింది.

అయినా పాత్రకు తగ్గట్టు సరిపోతాము అనుకుంటేనే ఏ హీరో అయినా కథను ఒప్పుకుంటాడు. అంతే తప్ప అందులో ఇంకో స్టార్ హీరో ఉన్నారనే కారణం అయితే కాదు కదా. కాకపోతే సక్సెస్ కోసం ఎదురుచూస్తున్న టైంలో ఎబిసిడి ఫలితం ఇలాంటి ప్రచారం ఎంత లేదనుకున్న ఏ హీరోకైనా ఇబ్బంది కలిగించేవే. అందుకే దీనికి సంబంధించిన క్లారిటీ ఈవిధంగా ఉందన్న మాట. ప్రస్తుతం రెండు మూడు కథా చర్చల్లో ఉన్న శిరీష్ కొత్త ప్రాజెక్ట్ అనౌన్స్ మెంట్ కు ఇంకా టైం పట్టేలా ఉంది