అలా చేయాలనే బాలయ్య అమెరికా టూర్

ఊహించిన దాని కంటే దూసుకెళ్తున్న శాతకర్ణికి మరింత ఊపు తెచ్చే దిశగా ప్రయత్నాలు జరుగుతున్నాయన్నది తాజా కబర్. మిగిలిన మార్కెట్లతో పోలిస్తే.. యూఎస్ మార్కెట్ లో బాలయ్య బలం కాస్త తక్కువేనని చెబుతారు. అయితే.. శాతకర్ణి మీద మొదట్నించి ఉన్నఅంచనా పుణ్యమా అని.. భారీగానే మార్కెట్ జరిగింది.

అందుకు తగ్గట్లే కలెక్షన్ల దుమ్ము రేగుతోంది. యూఎస్ లో ఇప్పటివరకూ ఎప్పుడూ రీచ్ కాని మిలియన్ మార్క్ ను శాతకర్ణిని దాటేయటంతో బాలయ్య కెరీర్ లో అత్యధిక ఓవర్ సీస్ కలెక్షన్ల మూవీగా శాతకర్ణి నమోదైంది. అయితే.. ఈ ఫిగర్ ను టూ మిలియన్ డాలర్లకు తీసుకెళ్లాన్నది ఆలోచనగా చెబుతున్నారు. శాతకర్ణికి లభిస్తున్న ఆదరణతో ఫుల్ ఖుషీలో ఉన్న బాలయ్యను.. అదే ఊపులో అమెరికాకు తీసుకెళ్లాలని భావిస్తున్నారట.

బాలయ్యను అమెరికాకు తీసుకెళ్లి ప్రమోషన్ వర్క్ చేయించటం.. ప్రత్యేకంగా షోలు వేయించటం ద్వారా శాతకర్ణికి సరికొత్త ఊపును.. ఉత్సాహాన్ని తీసుకురావటమే కాదు.. టూ మిలియన్ డాలర్ల మార్క్ ను అవలీలగా దాటేయొచ్చని చెబుతున్నారు. టార్గెట్ ను చేరుకోవటానికి అవసరమైన ప్లాన్ పక్కాగా ఉందని.. కాకుంటే బాలయ్య షెడ్యూల్ కన్ఫర్మ్ కాలేదన్న మాట వినిపిస్తోంది. అనుకున్నది అనుకున్నట్లుగా జరిగి.. శాతకర్ణి కానీ అమెరికాలో టూ మిలియన్ డాలర్ల మార్క్ ను దాటితే నందమూరి అభిమానులకు పండగే పండగని చెప్పక తప్పదు.

Like Us on Facebook : https://www.facebook.com/Tupakidotcom/