పోర్చుగల్ లో ఛార్మీకి పనేమిటంటే..

గౌతమిపుత్ర శాతకర్ణి సినిమాతో 100 సినిమాలు పూర్తి చేసుకున్న నందమూరి బాలకృష్ణ తన 101వ సినిమా దర్శకుడిగా ఈ మధ్య అస్సలు ఫాంలో లేని పూరి జగన్నాథ్ ను చేసుకున్నాడు. రీసెంట్ గా పూరి దర్శకత్వం వహించిన లోఫర్, ఇజం, రోగ్ సినిమాలన్నీ బాక్సాఫీస్ వద్ద బోల్తా కొట్టాయి. ఈ సినిమాలేవీ ప్రేక్షకులను కనీస స్థాయిలో కూడా మెప్పించలేదు. అందుకే ఈసారి ఎలాగైనా హిట్ కొట్టి తన టాలెంట్ మరోసారి ప్రూవ్ చేసుకోవాలన్న పట్టుదలతో ఉన్నాడు. బాలయ్యతో భారీ యాక్షన్ ఎపిసోడ్స్ కోసం ఈ సినిమా యూనిట్ ప్రస్తుతం పోర్చుగల్ లో ఉంది. దాదాపు 40 రోజుల పాటు అక్కడ షూటింగ్ కొనసాగుతుంది.

ఈ సినిమా కోసం పోర్చుగల్ వెళ్లిన యూనిట్ లో పంజాబీ అందాల బొమ్మ ఛార్మీ కౌర్ కూడా ఉంది. ఈ సినిమాలో ఎలాంటి రోల్ చేయడం లేదు. మరి ఆమెకు పోర్చుగల్ లో పనేంటా అని ఫిలింనగర్ జనాలకు సందేహం వచ్చింది. అయితే కొంతకాలంగా హీరోయిన్ గా అవకాశాలు తగ్గిపోవడంతో ఛార్మీ ప్రస్తుతం పూరి జగన్నాథ్ టీంలో ప్రొడక్షన్ వ్యవహారాలు చూసుకుంటోంది. అతడి కంపెనీ సంబంధించి కీలక వ్యవహారాాలు అన్నీ తానే మేనేజ్ చేస్తోంది. జ్యోతిలక్ష్మి సినిమా తర్వాత వీరిద్దరి మధ్య అండర్ స్టాండింగ్ బాగా పెరిగింది. ఆ తర్వాత పూరికి సంబంధించిన సినిమాల్లో ఏదో ఒక డిపార్ట్ మెంట్ లో ఛార్మీ ఇన్వాల్వ్ అవుతూ వచ్చింది.

పోర్చుగల్ లో సినిమా షూటింగ్ స్పాట్ నుంచి ఛార్మీ ఇటీవల ఓ ఫొటో తీసి ట్విట్టర్ లో పెట్టింది. ఛార్మీ నడుపుతున్న టాలెంట్ మేనేజ్ మెంట్ ఏజెన్సీ కొంతమంది కొత్త నటీనటులకు ఈ సినిమాలో అవకాశం లభించింది. వారితో పాటు ఆమె కూడా పోర్చుగల్ వచ్చింది. ఛార్మీ కొంతకాలంగా ఈ ఏజెన్సీని సక్సెస్ ఫుల్ గానే రన్ చేస్తోంది. అయినా బాలకృష్ణతో పనిచేయడం పూరికి కొత్తకానీ ఛార్మీకి కాదు. గతంలో బాలకృష్ణ పక్కన అల్లరి పిడుగు సినిమాలో హీరోయిన్ గా నటించిన అనుభవం ఛార్మీకి ఉంది.

Like Us on Facebook : https://www.facebook.com/Tupakidotcom/