మెగా డాటర్ ముంబై ఫోటోషూట్ రహస్యం ఏంటో!

మెగా డాటర్ నిహారిక కొణిదెల హీరోయిన్ గా పెద్దగా సక్సెస్ చూడలేకపోయింది కానీ తన క్రేజ్ తక్కువేమీ లేదు. ఈతరం స్టార్ కిడ్స్ లాగానే సోషల్ మీడియాలో యాక్టివ్ గా ఉంటుంది. ఈమధ్య తన ఇన్స్టాగ్రామ్ స్టోరీస్ లో ముంబైకి వెళ్లిన సంగతి షేర్ చేసుకుంది. మరి ముంబై ట్రిప్ ఎందుకు అనేది నిహారిక వెల్లడించలేదు కాని ఏదో ఇంపార్టెంట్ పని మీదే ముంబై ట్రిప్ వేసుకుందని మాత్రం అనుకున్నారు.

రెండు రోజుల క్రితమే నిహారిక హైదరాబాద్ తిరిగి వచ్చింది అయినా ఆ ట్రిప్ గురించి వివరాలేమీ చెప్పలేదు. ముంబై ట్రిప్ లో నిహారిక ఒక ప్రముఖ సెలబ్రిటీ ఫోటోగ్రాఫర్ ఆధ్వర్యంలో ఫోటోషూట్ లో పాల్గొందని సమాచారం. అయితే ఆ ఫోటో షూట్ ఎందుకనే విషయం మాత్రం బైటకు రాలేదు. ఏదో అడ్వర్టైజ్మెంట్ షూటింగ్ కోసమే ముంబై ట్రిప్ అని కొందరు అంటుంటే.. కొందరేమో బాలీవుడ్ ప్రొడక్షన్ హౌస్ నిర్మించే ఒక వెబ్ సీరీస్ కోసమే ఆ ఫోటో షూట్ చేసిందని అంటున్నారు.

మరి ఈ రెండిటిలో ఏది నిజమో తెలియాలంటే మాత్రం మనం వేచి చూడకతప్పదు. ఒకవేళ క్యాజువల్ ఫోటో షూట్ అయి ఉంటే మాత్రం ఆ ఫోటోలను ఈ పాటికే తన సోషల్ మీడియా ఖాతా ద్వారా షేర్ చేసి ఉండేదని అంటున్నారు. మెగా డాటర్ ఏం ప్లాన్ చేస్తోందో మరి.