మహేష్ అందుకే ఎన్టీఆర్ ని పిలిచాడా?!

ఇవాళ సాయంత్రమే భరత్ బహిరంగ సభ అంటూ మహేష్ బాబు భరత్ అనే నేను చిత్రానికి ఆడియో రిలీజ్ ఫంక్షన్ ను గ్రాండ్ గా నిర్వహిస్తున్నారు. సహజంగా మహేష్ ఒక ఈవెంట్లో పాల్గొనడమే అందరినీ ఆకర్షిస్తుంది. కానీ భరత్ బహిరంగ సభకు మరో అట్రాక్షన్ జోడించారు.

అదే ఎన్టీఆర్ ఈ ఈవెంట్ అడెంట్ అవుతూ ఉండడం. ఇప్పటికే ఈ బహిరంగ సభకు ఏర్పాట్లు అన్నీ పూర్తి కాగా.. మహేష్ స్టేజ్ పై ఉండగా ఎన్టీఆర్ ఏం మాట్లడతాడు అనే పాయింట్ ఇప్పుడు అందరిలోనూ ఆసక్తి కలిగిస్తోంది. ఎన్టీఆర్ ను ఈ కార్యక్రమానికి ఎందుకు పిలిచి ఉంటారనే అంశంపై చాలానే డిస్కషన్స్ జరుగుతున్నాయి కానీ.. ఎవరి దగ్గరా క్లారిటీ రాలేదు. కానీ మహేష్ గత చిత్రం స్పైడర్ విషయంలో వీరిద్దరి మధ్య విబేధాలు వచ్చాయనే టాక్ వినిపించింది. తామిద్దరం మంచి స్నేహితులం అని చెప్పేందుకే ఇలా ఎన్టీఆర్ ఇన్వైట్ చేశారట.

మహేష్ స్పైడర్- ఎన్టీఆర్ జైలవకుశ కొద్ది రోజుల గ్యాప్ లో విడుదల చేయగా.. అప్పుడు ఎన్టీఆర్ ఫ్యాన్స్ స్పైడర్ ను విపరీతంగా ట్రాల్ చేయడం కనిపించింది. ఎన్టీఆర్ ఫ్యాన్స్- మహేష్ అభిమానులు సోషల్ మీడియా సాక్షిగా తెగ హంగామా చేశారు. మహేష్ హర్ట్ అయ్యాడనే టాక్ వచ్చింది. ఇప్పుడు యంగ్ టైగర్ ను తన సినిమా వేడుకకు ఆహ్వానించడం ద్వారా.. తామిద్దరం ఎంతటి సన్నిహితులం అనే విషయాన్ని ప్రేక్షకులకు చెప్పబోతున్నాడట మహేష్.