వెండితెర ఏఎన్నార్ మిస్సయ్యాడేంటో

ఈ ఏడాది సమ్మర్ లో సంపూర్ణంగా అందరిని ఆకట్టుకున్న సినిమా ఏదైనా ఉందా అని అంటే అది ఒక్క మహానటి అనే చెప్పాలి. స్టార్ హీరోల సినిమాలు వచ్చినా ఒకసారి చూసి బావున్నాయి అనే టాక్ వచ్చింది. కానీ మరోసారి చూడాలనే టాక్ మాత్రం రాలేదు. ఆ టాక్ మహానటికి మాత్రమే వచ్చింది. ఎమోషన్ వదలకపోవడంతో మరోసారి మహానటి కథను చూడాలని ప్రేక్షకులు అనుకుంటున్నారు.

ఇకపోతే సినిమాలో ఎన్టీఆర్ పాత్ర ఉంటుందని చాలా మంది అనుకున్నారు. కానీ తారక్ నో చెప్పడంతో అప్పుడే దర్శకుడు నాగ్ అశ్విన్ ఆ పాత్ర మరొకరితో చేయించకూడదు అని అనుకున్నాడు. ఎన్టీఆర్ అంత డేర్ చేయలేను అని చెప్పడంతో లైట్ తీసుకున్నారు. ఎదో సిజి వర్క్ తో ఒక షాట్ సెట్ చేశారు. ఇకపోతే నాగేశ్వరరావు పాత్రలో ఆయన మనవడు నాగ చైతన్య నటించిన సంగతి తెలిసిందే. అయితే సినిమా ఇంత సక్సెస్ అయినప్పటికి నాగ చైతన్య మాత్రం చాలా సైలెంట్ గా ఉన్నాడు. సినిమా ఆడియో ఈవెంట్ కి కూడా రాలేదు. అప్పుడంటే బిజీ షెడ్యూల్ వల్ల రాలేకపోయాడు. కానీ ఆ తరువాత నాగ్ ఎదో విదంగా సినిమా గురించి చెప్పినప్పటికీ నాగ చైతన్య మాత్రం పెద్దగా రెస్పాండ్ అవ్వలేదు. ప్రమోషన్స్ లో కూడా పాల్గొనలేదు. ఇక సినిమాలో అందరి నటీనటులకు ప్రశంసలు అందగా చైతూకి మాత్రం పెద్దగా ప్రశంసలు అందలేదు.

తాత గారిని కరెక్ట్ గా ఇమిటేట్ చేయలేదు అని కూడా ఓ టాక్ వచ్చింది. చైతు సంతృప్తిగా లేకపోవడం వల్ల దూరంగా ఉన్నాడు అనే టాక్ వచ్చింది. ఇక చిత్ర యూనిట్ కూడా పట్టించుకోలేదని ఓ రూమర్ వస్తోంది. అందుకే నాగ చైతన్య సినిమాకు దూరంగా ఉన్నాడు అని తెలుస్తోంది.