నాగబాబు స్పీచ్: కోపమా.. వ్యూహమా..!

గతంలో ఒకసారి పవన్ కళ్యాణ్ గురించి హడావిడి చేస్తున్న వారిని ఉద్దేశించి వేదికపై ఫైర్ అయిన నాగబాబు - తాజాగా చిరంజీవి 150వ చిత్రం ప్రీ రిలీజ్ ఫంక్షన్ లో హాట్ టాపిక్ అయిన సంగతి తెలిసిందే. అప్పటివరకూ మామూలుగా లైవ్ కవరేజ్ మాత్రమే చేసిన మీడియాకి ఉన్నఫలంగా హాట్ టాపిక్ ని ఇచ్చి క్రియెటివ్ హెడ్స్ కి ఫుల్ గా పనిచెప్పాడు! అయితే ఈ వేదికపై రాం గోపాల్ వర్మ - యండమూరి వీరేంద్రనాధ్ లను ఒకేసారి టార్గెట్ చేసి నాగబాబు ఎందుకు అలా ఫైరయ్యారు.. ఇది నిజంగా కోపమా.. కోపంతో కూడిన వ్యూహమా.. వంటి అనుమానాలు తాజాగా వెలుగులోకి వస్తున్నాయి. అయితే ఈ అనుమానాలను కొంతమంది కన్ఫాం చేసేస్తున్నారనుకోండి.. అది వేరే విషయం!

అయితే తాజాగా నాగబాబు స్పీచ్.. ఒక మెగా స్కెచ్ అని కథనాలు వస్తున్నాయి. "ఖైదీ-150" ఈవెంట్‌ కి పవన్‌ కళ్యాణ్‌ గైర్హాజరీ అనేది పెద్ద విషయం కావాల్సి ఉంది! కచ్చితంగా పవన్ రాకపోవడాన్ని మీడియా హాట్ టాపిక్ గా స్వీకరించి కథనాలు వండి వడ్డించేసేదే! అయితే... పవన్ హాజరు కాలేదు అనే విషయంపై మీడియా దృష్టి సారించకుండా, పూర్తిగా పక్కకి తప్పించే ప్రయత్నమే నాగబాబు స్పీచ్ అనే కామెంట్స్ వినిపిస్తున్నాయి. ఇదే నిజమైతే ఈ విషయంలో నాగబాబు పూర్తిగా సక్సెస్ అయ్యారనే చెప్పాలి.

ఈ వేదికపై నాగబాబు హాటి స్పీచ్.. దానికి యండమూరి రెస్పాన్స్ - రాం గోపాల్ వర్మ ట్విట్ల దండకం కంటిన్యూగా సాగడంతో మీడియాకి పవన్ గైర్హాజరీ విషయం కనిపించకుండా పోయిందనే చెప్పాలి! దీంతో ఈ విషయం అంతా ఒక మెగా ప్లాన్ అని, కేవలం ఈ సందర్భంలోనే నాగబాబు వారిద్దరిపై ఎందుకు ఆ స్థాయిలో ఫైరవుతాడని, పవన్‌ రాకపోవడం గురించి ఎవరూ ఎక్కువ పట్టించుకోకుండా ఈ స్పీచ్‌ ఒక పథకం ప్రకారమే జరిగిందని కొందరు బల్లగుద్ది మరీ చెబుతున్నారు. ఈ కామెంట్స్ - మరి కొన్ని కన్ఫాం చేసేస్తున్న సంగతి అలా ఉంచితే... ఇది నిజంగా స్ట్రాటజీ ప్రకారమే జరిగితే మాత్రం ఈ స్క్రీన్ ప్లే - డైరెక్టర్స్ కి కచ్చితంగా అభినందనలు తెలపాల్సిందే!!

Like Us on Facebook : https://www.facebook.com/Tupakidotcom/