ముహూర్తం అన్నారు.. టీజర్ ఇచ్చారే

సహజంగా ఓ సినిమాని అధికారికంగా ప్రకటించడానికి.. ప్రారంభించడానికి ముహూర్తం షాట్ ఉంటుంది. కానీ ఆశ్చర్యకరంగా ఓ సినిమాకి ముహూర్తం రోజునే అఫీషియల్ టీజర్ ఇచ్చేశారు. ఇదే అందరినీ ఆశ్చర్యపరిచిన విషయం ఇదే. జగపతి బాబు హీరోగా రీఎంట్రీ ఇస్తున్న సినిమా పటేల్ సార్ కు.. షూటింగ్ మొదలుపెట్టిన రోజు అయిన ముహూర్తం తేదీనే టీజర్ చూపించేశారు.

వాసు పరిమి అనే కొత్త దర్శకుడు.. సాయి కొర్రపాటి నిర్మాతగా వ్యవహరించనున్న ఈ చిత్రానికి.. ఇలా మొదటిరోజునే టీజర్ చూపించడం వెనక ఓ సీక్రెట్ ఉంది. వాసు పరిమి తొలిసారిగా దర్శకత్వం వహిస్తుండడంతో.. కొన్ని సీన్స్ ను ట్రయల్ షూట్ చేసి చూపించమని.. అప్పుడు పూర్తి స్థాయి సినిమా చేతిలో పెడతమానికి చెప్పారు హీరో అండ్ ప్రొడ్యూసర్. అందుకే వాసు తన స్టైల్ ఆఫ్ మేకింగ్ తో కొన్ని విజువల్స్ పిక్చరైజ్ చేశాడు. అలా తీసిన షాట్స్ నే ఎడిటింగ్ కూడా చేసి రిలీజ్ చేశారు.

దాన్నే టీజర్ అనే పేరుతో వారాహి బ్యానర్ కు అఫీషియల్ యూట్యూబ్ ఛానల్ లో పోస్ట్ చేశారు. నిజానికి అనే మాట కాకుండా.. 'పటేల్ సార్ కి ప్రారంభం' లాంటి పేరేదైనా పెట్టుంటే మరింత యాప్ట్ గా ఉండేది. పేరు ఏదైనా కానీ.. కేవలం కొన్ని షాట్స్ ను మాత్రమే తీసినా.. దర్శకుడు మెప్పించేయగలిగాడు.

Like Us on Facebook : https://www.facebook.com/Tupakidotcom/