జస్ట్ డబ్బు కోసమే ఆ సినిమా చేసిందా?

'RX100' సినిమా విజయంతో ఒక్కసారిగా గుర్తింపు సాధించిన భామ పాయల్ రాజ్ పుత్. బోల్డ్ గా గ్లామర్ ను ఒలకబోయడం.. లిప్పు లాకులు ఇవ్వడమే కాకుండా నటన విషయంలో కూడా మంచి మార్కులు తెచ్చుకోవడంతో ఆ సినిమా తర్వాత మంచి ఆఫర్లే వచ్చాయి. ఈరోజే పాయల్ నటించిన కొత్త సినిమా 'RDX లవ్' రిలీజ్ అయింది. ఈపాటికి రివ్యూలు చదివేసి ఉంటారు కాబట్టి సినిమా ఎలా ఉందనే చర్చ అనవసరం. అయితే పాయల్ ఈ సినిమా చేయడానికి ముఖ్య కారణం సబ్జెక్ట్ కాదని.. రెమ్యూనరేషన్ అని టాక్.

జస్ట్ మనీ కోసమే పాయల్ ఈ సినిమాకు ఒప్పుకుందట. అయినప్పటికీ సినిమాలో తన పాత్రకు తాను న్యాయం చేయడమే కాకుండా ప్రమోషన్స్ లో కూడా పాల్గొంది. నిజానికి ఈ సినిమాకు బిగ్గెస్ట్ సెల్లింగ్ పాయింట్.. క్రౌడ్ పుల్లర్ ఎవరైనా ఉన్నారు అంటే అది పాయల్ మాత్రమే. అయితే ఈ సినిమా సంగతి పక్కన పెడితే పాయల్ మరో రెండు పెద్ద సినిమాల్లో నటిస్తోంది. వాటిలో ఒకటి 'వెంకీమామ' కాగా రెండోది 'డిస్కోరాజా'. ప్రస్తుతం పాయల్ ఆశలన్నీ ఈ రెండు సినిమాలపైనే ఉన్నాయట.

అయితే ఇక్కడొచ్చిన చిక్కేంటంటే ఈ రెండు సినిమాలు కూడా రెగ్యులర్ ఎంటర్టైనర్లు కాదు. కాస్త డిఫరెంట్ యాంగిల్ లో ఎంటర్టైన్ మెంట్ కోసం ట్రై చేసిన సినిమాలు. 'వెంకీమామ' సూపర్ డూపర్ హిట్ అవుతుందని ప్రొడక్షన్ వారికే పెద్దగా నమ్మకాలు లేవని ఒక టాక్ ఉంది. 'డిస్కోరాజా' పరిస్థితి చూస్తే ఒక రకంగా ఎక్స్ పరిమెంట్ సినిమా లాంటింది. మరి ఇలాంటి లైనప్ పెట్టుకుని ఈ భామ కెరీర్ లో సక్సెస్ సాధించడం అంత సులువు కాదు. అయితే ఇప్పటికీ ఈ భామకు మాస్ లో మంచి క్రేజ్ ఉందనే మాట మాత్రం నిజం.