అందుకే పైసా వసూల్ చేయలేదు

రచయితగా దర్శకుడిగా అలాగే నటుడిగా తనకంటు ఓ గుర్తింపును తెచ్చుకున్నాడు పోసాని కృష్ణ మురళి. ముఖ్యంగా సీరియస్ లుక్ తో ఆయన చేసే కమెడియన్ పాత్రలు ఈ మాద్య చాలా ఆకట్టుకుంటున్నాయి. ఒక డిఫరెంట్ క్యారెక్టర్ ఉందంటే చాలు దర్శకులు పోసానిని సెలెక్ట్ చేసుకుంటున్నారు. ఆయన కూడా వారికి నచ్చినట్లు చేసి ప్రేక్షకులను మెప్పిస్తున్నారు. అలాగే సినిమాలకి కూడా ఆయన పాత్రలు చాలా హెల్ప్ అవుతున్నాయి.

అయితే పోసాని నటుడిగా మారిన తర్వాత కొన్ని నియమాలను పెట్టుకున్నారట. నటనలో కొత్త ధనం ఉంటేనే కాదు అయన అనుగుణంగా షూటింగ్ ఉంటేనే ఒకే చెబుతున్నారు. షూటింగ్ ఎంతసేపైనా చేస్తారట. కానీ రాత్రి సమయంలో మాత్రం అస్సలు షూటింగ్ చెయ్యనని చెబుతున్నారు. ఎందుకంటే పోసాని ఆరోగ్యం విషయంలో చాలా జాగ్రత్తలు వహిస్తారట. అంతే కుటుంబం కూడా చాలా ముఖ్యమంటున్నాడు. రెమ్యునరేషన్ ఎంత ఎక్కువ ఇచ్చినా రాత్రి సమయంలో మాత్రం పని పెట్టుకొన్నానని పోసాని గట్టిగా చెప్పేశారు. ఈ తరుణంలో కొన్ని బడా సినిమాలను కూడా అయన వదులుకున్నారట. రీసెంట్ గా వచ్చిన పూరి జగన్నాథ్ పైసా వసూల్ చిత్రంలో పోసానికి ఛాన్స్ వస్తే వదులుకున్నారట. ఎందుకంటే ఆ సినిమాను ఎక్కువగా రాత్రి సమయంలో చిత్రీకరణ జరిపేందుకు దర్శకుడు ప్లాన్ చేసుకున్నాడట.

రాత్రి ఏడుగంటల నుంచి ఉదయం 4 గంటలవరకు షూటింగ్ ఉంటుందని చెప్పడంతో పోసాని నటించలేనని చెప్పాడట. సాధారణంగా రాత్రుళ్ళు షూటింగ్ కి వెళితే పేమెంట్ ఎక్కువగా అందుతుంది. కానీ ఆరోగ్యం కూడా చాలా దెబ్బ తింటుంది. ఒక లక్షకి నెల.. రెండు లక్షలకు రెండు నెలల ఆరోగ్యం పాడవుతుందని అందుకే రాత్రుళ్ళు ఏ పని పెట్టుకోకుండా ఎనిమిది గంటలు ప్రశాంతంగా నిద్రపోవడం తనకు అలవాటు అంటున్నారు. తన నిర్ణయాన్ని దర్శకులు కూడా అర్ధం చేసుకున్నారని ఆయన చెప్పారు.