లారెన్స్ అలక వెనుక చరణ్ హీరొయిన్

కొద్దిరోజుల క్రితం కాంచన హింది రీమేక్ లక్స్ మీ బాంబ్ నుంచి తప్పుకుంటున్నట్టు దర్శకుడు రాఘవ లారెన్స్ ప్రకటించడం చిన్న సెన్సేషన్ కాలేదు. తనను సంప్రదించకుండా డిజైన్ చూపకుండా హీరో అక్షయ్ కుమార్ నేరుగా ట్విట్టర్ లో ఫస్ట్ లుక్ పోస్టర్ ని షేర్ చేయడం పట్ల నిరసన ప్రకటిస్తూ లారెన్స్ ప్రాజెక్ట్ నుంచి డ్రాప్ కావడం సౌత్ సినిమా వర్గాల్లో బాలీవుడ్ వ్యవహార శైలి పట్ల తీవ్ర నిరసనకు కారణం అయ్యింది.

దీనికి సంబంధించిన రాజీ కోసం నిర్మాతల టీం చెన్నై వస్తున్నట్టు టాక్ వచ్చింది కాని అది ఎంత వరకు నిజమయ్యిందో ఇంకా క్లారిటీ లేదు. ఇప్పుడు ఈ లక్స్ మీ బాంబ్ కు సంబంధించిన మరో హాట్ న్యూస్ వెలుగులోకి వచ్చింది. ఇందులో హీరొయిన్ గా కియారా అద్వానిని తీసుకోవడం కూడా లారెన్స్ కి ఇష్టం లేదట. కారణం ఎమింటంటే ఒరిజినల్ వెర్షన్ లో నటించిన రాయ్ లక్ష్మి అయితేనే బాగుంటుందని సూచించాడట.

కాని అక్షయ్ కుమార్ లాంటి రేంజ్ ఉన్న స్టార్ పక్కన బాలీవుడ్ లో పెద్దగా గుర్తింపు లేని రాయ్ లక్ష్మిని తీసుకోవడం గురించి హీరో నిర్మాత ఇద్దరు విముఖత వ్యక్తం చేయడంతో ఫైనల్ గా ఆ ఛాన్స్ కియారా ఒళ్లోకొచ్చి పడింది. దానికీ ఓకే అని ఫోటోలకు ఫోజులిచ్చినా పోస్టర్ వ్యవహారంతో లారెన్స్ అసహనం కోల్పోయాడు. దీంతో సెల్ఫ్ అవుట్ ఇచ్చుకున్నాడు. ఇప్పటికైతే అక్షయ్ తరఫున ప్రొడక్షన్ టీం తరఫున ఎలాంటి అఫీషియల్ నోట్ రాలేదు. బహుశా చర్చలు జరగ వచ్చన్న ప్రచారం ఉంది కాబట్టి అవి అయ్యాక లారెన్స్ లక్స్ మీ బాంబ్ లో మళ్ళి వస్తాడా రాడా అనే క్లారిటీ వచ్చేస్తుంది