ర‌జనీ అమెరికా టూర్ ఎందుకంటే....

త‌మిళ సూప‌ర్‌ స్టార్ ర‌జ‌నీకాంత్ మెడిక‌ల్‌ చెక‌ప్ కోసం బుధ‌వారం అమెరికా వెళ్లారని ఆయ‌న స‌న్నిహితుడొక‌రు చెప్పారు. ర‌జ‌నీ వెంట‌ ఆయ‌న కుమార్తె ఐశ్వ‌ర్య కూడా వెళ్లారని తెలిపారు. ర‌జ‌నీ ఆరోగ్యంగా ఉన్నార‌ని, సాధార‌ణ చెక‌ప్‌ లో భాగంగానే అమెరికా వెళ్లార‌ని చెప్పారు. అభిమానులెవ‌రూ కంగారుప‌డాల్సిన అవ‌స‌రం లేద‌ర‌న్నారు.

ర‌జ‌నీ రాజ‌కీయాల్లోకి వ‌స్తున్నార‌న్న నేప‌థ్యంలో త‌మిళ‌నాట రాజ‌కీయ వాతావ‌ర‌ణం వేడెక్కిన సంగ‌తి తెలిసింది. ఇప్ప‌టికే అభిమానుల‌తో ర‌జ‌నీ రెండు ఫొటో షూట్స్ చేశారు. త్వ‌ర‌లోనే ఆయ‌న మ‌రోసారి అభిమానుల‌ను క‌ల‌వ‌నున్నారు.

ర‌జ‌నీ న‌టిస్తున్న కాలా చిత్ర మొద‌టి షెడ్యూల్ ఇటీవ‌లే పూర్త‌యింది. ర‌జ‌నీ అమెరికా ప‌ర్య‌ట‌న ముగించుకుని జులైలో భార‌త్‌ కు తిరిగి వ‌స్తారు . అనంత‌రం కాలా చిత్రం రెండో షెడ్యూల్ లో పాల్గొంటారు. క‌బాలి చిత్ర ద‌ర్శ‌కుడు పా. రంజిత్ ద‌ర్శ‌క‌త్వంలో కాలా తెరకెక్కుతున్న విష‌యం తెలిసిందే.

ఈ చిత్రంలో నానాప‌టేక‌ర్‌ - అంజ‌లీ పాటిల్‌ - స‌ముద్ర ఖ‌ని - హుమా ఖురేషి త‌దిత‌రులు న‌టిస్తున్నారు. బాషా త‌ర‌హాలో ప‌క్కా క‌మ‌ర్షియ‌ల్ హంగుల‌తో కాలాను రూపొందిస్తున్నారు పా. రంజిత్‌. ఈ సినిమాలో ర‌జ‌నీ మురికివాడ నుంచి మాఫియా డాన్‌గా ఎదిగిన నాయ‌కుడి పాత్ర‌లో న‌టిస్తున్నారు. హీరో ధ‌నుష్ ఈ చిత్రాన్ని నిర్మిస్తున్న విష‌యం తెలిసిందే.

Like Us on Facebook : https://www.facebook.com/Tupakidotcom/