మహేష్ తో ఛాన్స్ అలా వచ్చిందా ?

మహర్షి బ్లాక్ బస్టర్ సక్సెస్ తర్వాత విదేశాల్లో కొద్దిరోజులు రిలాక్స్ అవుతూ వచ్చేసిన మహేష్ బాబు సరిలేరు నీకెవ్వరుతో బిజీ అయిపోయాడు. కాశ్మీర్ షెడ్యూల్ తో రెగ్యులర్ షూటింగ్ మొదలైపోయింది. మిలిటరీ ఆఫీసర్ గా మొదటిసారి తమ ప్రిన్స్ ఎలా ఉంటాడో చూడాలని ఫాన్స్ చాలా ఉత్సాహంగా ఉన్నారు. అయితే హీరోయిన్ గా రష్మిక మందన్నను ఎంపిక చేయడం పట్ల ముందు నుంచి కొంత మిశ్రమ స్పందనే వ్యక్తమవుతోంది.

టాలెంటెడ్ బ్యూటీనే అయినప్పటికీ మహేష్ లాంటి అందగాడి పక్కన సరితూగే గ్లామర్ తనలో లేదని చాలామంది అభిప్రాయం. ఇప్పటిదాకా మహేష్ చేసిన పాతిక సినిమాలు చూసుకుంటే అయితే టాలీవుడ్ టాప్ హీరోయిన్ లేదా బాలీవుడ్ నుంచి దిగుమతి చేసుకున్న భామ ఉంటుంది కానీ కంటికి అంతగా ఆనని అమ్మాయిని ఎంపిక చేసుకోలేదు

కానీ రష్మిక మందన్నను సెలెక్ట్ చేసుకోవడానికి కారణం కేవలం వరస సక్సెస్ లతో ఉందనే మాట ఇప్పుడు ఇండస్ట్రీ వర్గాల్లో వినిపిస్తోంది. ఛలోతో మొదలుకుని గీత గోవిందం దాకా తెలుగులో ఈ అమ్మడికి భారీ హిట్లు దక్కాయి. చేస్తున్న సినిమాలు కూడా బోలెడు ఉన్నాయి. ఇంత డిమాండ్ ఉంది కాబట్టే సరిలేరు నీకెవ్వరులో తీసుకున్నారు తప్పించి ఒకవేళ ఈ సక్సెస్ ట్రాక్ కనక రష్మికకు లేకపోయి ఉంటె ఖచ్చితంగా ఆప్షన్ గా ఉండేది కాదేమో అన్న అభిప్రాయం కూడా వ్యక్తమవుతోంది. ఏది నిజమైనా అబద్దమైనా మహేష్ పక్కన సరితూగే అందంతో మెప్పించడం హీరోయిన్లకు అంత సులువు కాదు. మరి క్లిష్టమైన ఈ ఛాలెంజ్ ని రష్మిక ఎలా ఫేస్ చేస్తుందో చూడాలి