చరణ్‌ పై రూమర్లు అలా మొదలయ్యాయ్‌

సరే.. టెన్నిస్‌ సంచలనం సానియా మీర్జాతో రామ్‌ చరణ్‌ కు ఎఫైర్‌ ఉంది అనే విషయంపై చరణ్‌ క్లారిటీ ఇచ్చాడు అనే న్యూస్‌ ఇప్పుడు అన్ని మీడియాల్లోనూ ప్రధాన హెడ్‌ లైన్‌. బాగానే ఉంది. అసలు ఈ రూమర్లు రావడానికి కారణం ఏంటి? అవి తెలుసుకుంటే చాలా ఆసక్తికరంగా ఉంటుంది. మీడియానే అందుకు కారణం.

హైదరాబాద్‌ ఫలక్నామా ప్యాలెస్‌ లో సల్మాన్‌ ఖాన్‌ చెల్లెలు అర్పితా వివాహం జరిగింది. ఆ సమయంలో ఆ ఈవెంట్‌ లోకి చరణ్‌-ఉపాసన దంపతులు.. అలాగే సానియా తన చెల్లి ఆనమ్‌ మీర్జాతో కలసి ఒకేసారి ఎంట్రీ ఇచ్చారు. ఈ క్రమంలో ఉపాసన కాస్త వెనుక నడుస్తున్నప్పుడు.. అప్పటికే స్నేహితులైన చరణ్‌ అండ్‌ సానియా ఏదో మాట్లాడుకుంటుంటే.. మన ఫోటోగ్రాఫర్లు వీళ్లిద్దరినే కలిపి క్లిక్‌ చేశారు. ఇది ఫస్ట్‌ పంచ్‌. ఇక మరోసారి ముంబయ్‌ లో ఒక పార్టీకి కూడా చరణ్‌-ఉపాసన విచ్చేశారు. అక్కడ కూడా ఇలాగే ఒక ఫోటోగ్రాఫర్‌ చరణ్‌ ను సానియతో తీసి ఆ ఫోటోలను పబ్లిష్‌ చేశాడే తప్పించి.. ఉపాసనను పూర్తిగా ఎవాయిడ్‌ చేశారు. సో.. ఆ ఫోటోలను చూసినప్పటినుండి వీరి మధ్యను ఏదో ఉందనే రూమర్లు మొదలైపోయాయ్‌. ఆ తరువాత స్వయంగా సానియానే చరణ్‌ తో ఉన్న ఒక సెల్ఫీ ట్వీట్‌ చేసింది. దాంతో రచ్చ మొదలైంది.

సర్లేండి.. ఇప్పటికి ఈ కథ సుఖాంతం. చరణ్‌ తన ప్రేయసి ఉపాసనతో.. సానియా తన భర్త షోయెబ్‌ తో హ్యాపీగా లైఫ్‌ ను ఎంజాయ్‌ చేస్తున్నారు.