‘అమ్మ’ సిఫార్సుతో సాక్షికి ఛాన్స్

బాలీవుడ్ సూపర్ స్టార్లలో ఒకరైన అమీర్ ఖాన్ సినిమా వస్తుందంటే చాలు.. సినీ అభిమానులంతా ఎంతో ఆసక్తిగా ఎదురుచూస్తుంటారు. సెలెక్టివ్ గా సినిమాలు చేసే అమీర్.. తాను చేసే సినిమా కోసం చాలానే కష్టపడుతుంటారు. తాను అనుకున్నది అనుకున్నట్లు వచ్చే వరకూ ఏ మాత్రం రాజీ పడని అమీర్ తత్వమే ఆయన్ను.. మిస్టర్ ఫర్ ఫెక్టనిస్ట్ గా పిలిచేలా చేస్తుంది. ఈ వారంలో ప్రేక్షకుల ముందుకు రానున్న అమీర్ తాజా మూవీ దుంగల్ సినిమా మీద ఉన్న అంచనాలు అన్ని ఇన్ని కావు.

తాజా చిత్రంలో కుస్తీ వీరుడు మహవీర్ సింగ్ పోగెట్ పాత్రను పోషించటమే కాదు.. మధ్యతరగతి ఆడపిల్లల తండ్రి పాత్రలో అమీర్ తన ఇమేజ్ కు పూర్తి భిన్నమైన పాత్రను ఎంచుకున్నారని చెప్పాలి. ఈ సినిమాలో అతనికి జోడీగా టీవీ నటి సాక్షి బంపర్ చాన్స్ కొట్టేసింది. బాలీవుడ్ లో ఇంత మంది హీరోయిన్లు ఉంటే.. వారందరిని కాదని టీవీ సీరియల్స్ లో నటించే సాక్షికి అమీర్ తో జతకట్టే ఛాన్స్ ఎలా వచ్చిందన్న ప్రశ్న వేస్తే.. ఆసక్తికర సమాధానం వస్తుంది.

దుంగల్ లో అమీర్ భార్యగా సాక్షి అయితే బాగుంటుందని అమీర్ తల్లి జీనత్ హుస్సేన్ సూచించటం.. అమీర్ ఆమె చెప్పిన దాన్ని చూసి వెంటనే ఓకే చెప్పేశారట. తానే.. చిత్ర దర్శకుడికి సాక్షి పేరును సజెస్ట్ చేశాడట. టీవీ సీరియల్స్ లో పాపులర్ అయిన సాక్షి అయితే.. దుంగల్ పాత్రకు కరెక్ట్ గా సూట్ అవుతుందన్నఅమీర్ మాటతో చిత్ర దర్శకుడు సైతం కాదనలేకపోయాడట. సూపర్ స్టార్ నోటి నుంచి వస్తే.. ఏ దర్శకుడు మాత్రం కాదంటారు?

Like Us on Facebook : https://www.facebook.com/Tupakidotcom/