సమంత కిడ్నాప్ చేస్తానంది అందుకే

రీసెంట్ గా సౌత్ బ్యూటీ సమంత.. శివ కార్తికేయన్ మూవీ రెమో తెలుగు వెర్షన్ ఆడియో లాంఛింగ్ వచ్చి ఆశ్చర్యానికి గురిచేసింది. రెమో మూవీకి సమంతకి లింక్ ఎక్కడుందా అని అందరూ ఆలోచించుకుంటున్న టైమ్ లో.. చివరాఖరికి శివ కార్తికేయన్ నెక్ట్స్ మూవీలో హీరోయిన్ గా తాను సైన్ చేశానని అసలు విషయం చల్లగా చెప్పింది శామ్స్. అయితే.. ఈ ఆడియో ఫంక్షన్ లో మ్యూజిక్ డైరెక్టర్ అనిరుధ్ రవిచందర్ విషయంలో సమంత ఇచ్చిన ఓ స్టేట్ మెంట్ అందరినీ షాక్ కి గురిచేసింది.

''అనిరుధ్ గతంలో రెండు తెలుగు సినిమాలకు సైన్ చేసి.. తర్వాత వెళ్లిపోయారు. ఈసారి మళ్లీ ఇలా చేస్తే నేనే కిడ్నాప్ చేసి మ్యూజిక్ చేయిద్దామని అనుకున్నా'' అనేసింది సమంత. అంతే కాదు.. తనకు ఎంతో ఇష్టమైన త్రివిక్రమ్.. పవన్ కళ్యాణ్ తో తీయనున్న సినిమాకు మ్యూజిక్ ఇస్తున్నాడంటూ ఆల్ ది బెస్ట్ చెప్పింది కూడా. గతంలో అనిరుధ్ ని సమంత నటించిన అ..ఆ..చిత్రానికి.. రామ్ చరణ్ మూవీ బ్రూస్ లీకి తీసుకున్నా.. తర్వాత హ్యాండ్ ఇచ్చేశాడు.

ఆ సంగతి అలా ఉంటే.. పవన్ కళ్యాణ్ - త్రివిక్రమ్ ల సినిమాకి అనిరుధ్ మ్యూజిక్ ఇవ్వకుండా హ్యాండ్ ఇస్తే.. సమంత ఎందుకు కిడ్నాప్ చేసి బలవంతంగా సంగీతం ఇప్పించాలన్నది పాయింట్. దీనికి కారణం.. సమంతే ఆ సినిమాలో హీరోయిన్ అంటూ చాలామంది సమాధానం కూడా చెప్పేసుకుంటున్నారు. ఈ ఏడాది తెలుగులో రెండు బ్లాక్ బస్టర్లు ఇచ్చిన సమంత సైన్ చేయనున్న తర్వాతి సినిమా పవన్ కళ్యాణ్ తోనే అనే టాక్ కి.. ఈ కిడ్నాప్ కామెంట్ బలాన్ని ఇచ్చేసింది.


Like Us on Facebook : https://www.facebook.com/Tupakidotcom/