ఆ డైరెక్టర్ కి హీరోయిన్ కి చెడిందా?

బుజ్జిగాడు బ్యూటీ సంజన.. గతేడాది పవన్ కళ్యాణ్ మూవీ సర్దార్ గబ్బర్ సింగ్ లో కనిపించింది. ఇప్పుడు రిలీజ్ కాబోతోన్న క్రైమ్ మూవీ దండుపాళ్యం2 లో కీలక పాత్ర చేసింది సంజన. సహజంగా తన సినిమాలకు ప్రమోషన్స్ విషయంలో సంజన బాగా యాక్టివ్ గా ఉంటుంది. తన పాత్ర.. పరిధి.. డ్యురేషన్ లాంటివి పట్టించుకోకుండా బోలెడంత ప్రచారం చేసి పెట్టే సంజన.. దండుపాళ్యం2 విషయంలో మాత్రం సైలెంట్ గా ఉంటోంది.

ప్రధాన పాత్ర చేసిన పూజా గాంధీ.. దర్శకుడు శ్రీనివాస్ రాజు.. ఇతర టీం అంతా దండుపాళ్యం2 కోసం తెలుగులో బోలెడంత ప్రచారం చేస్తున్నారు. ప్రమోషన్ యాక్టివిటీస్ లో ఫుల్ బిజీగా ఉన్నారు. అయితే.. సంజన మాత్రం వీటిలో ఎక్కడా కనిపించలేదు. అలాగని సినిమా గురించి మాట్లాడ్డం మానేయలేదు. ఆమెని అడిగితే మాత్రం.. 'దండుపాళ్యం2లో సావిత్రి కేరక్టర్ చేసినందుకు చాలా సంతోషంగా ఉంది. అలాంటి డీ-గ్లామర్ రోల్ లో నేను ఇప్పటివరకూ ఎన్నడూ కనిపించలేదు' అంటోంది సంజన.

దర్శకుడితే ఈమెకు తేడాలు వచ్చాయని.. మేకింగ్ టైంలోనే ఈ వైరుధ్యాలు రాగా.. ఇవి ఇప్పుడు ఎక్కువైపోయాయని.. అందుకే సంజన ప్రమోషన్స్ కు దూరంగా ఉంటోందని తెలుస్తోంది. ప్రమోషన్స్ కు ఎందుకు రావడం లేదని సంజనను అడిగితే.. నో కామెంట్ తప్ప మరే సమాధానం సంజన నుంచి రావడం లేదు.

Like Us on Facebook : https://www.facebook.com/Tupakidotcom/