టాలీవుడ్ పవన్ వర్సెస్ బాలీవుడ్ సర్దార్

పవర్ స్టార్ పవన్ కళ్యాణ్ సర్దార్ గబ్బర్ సింగ్ అంటూ టీజర్ల తోనే దుమ్ము దులిపేశాడు. స్టైల్ కంటెంట్ నే మిక్స్ చేసి కత్తిలాంటి టీజర్లను జనాలపైకి వదిలేశారు. పవన్ ప్రతీ అడుగునూ, చేతిలో గన్నును, పవర్ స్టార్ స్టైల్ ను చూసి ఫ్యాన్స్ కి ఆల్మోస్ట్ పిచ్చెక్కిపోతోందనే చెప్పాలి. అయితే... తెలుగు సర్దార్ గబ్బర్ సింగ్ ట్రైలర్ కు, బాలీవుడ్ ట్రైలర్ కు చాలా వేరియేషన్ కనిపించింది. ఒకే మూవీకి ఇంత తేడాగా ట్రైలర్ ఇవ్వడం ఆశ్చర్యం కలిగించే విషయమే.

తెలుగులో పవన్ అంటే పవర్ స్టార్. అందుకే పవన్ గుర్రాన్ని పట్టుకుని రెండడుగులు వేసినా మిలియన్ల కొద్దీ వ్యూస్ వస్తాయి. కానీ బాలీవుడ్ కి పవన్ పూర్తిగా కొత్త. పైగా.. కాన్సెప్ట్ ఏంటో టీజర్ తో హింట్ ఇవ్వడం, ట్రైలర్ తో మొత్తం చెప్పేయడం అనే ఫార్ములా బాలీవుడ్ లో రన్ అవుతుంది. అందుకే సర్దార్ గబ్బర్ సింగ్ అంటే.. టాలీవుడ్ నుంచి వస్తున్న ఫుల్లు మాస్ మసాలా అనే ఇండికేషన్ ఇచ్చేందుకే ఇలా బాలీవుడ్ సర్దార్ ట్రైలర్ ను బీభత్సమైన ఫైట్లతో నింపేశారు.

తెలుగు - తమిళ్ నుంచి బాలీవుడ్ వెళ్లిన మాస్ యాక్షన్ మూవీస్.. అక్కడ రచ్చ రచ్చ చేసేశాయి. ఫర్ ఎగ్జాంపుల్ సూర్య సింగం - మహేష్ పోకిరిలను చెప్పుకోవచ్చు.ఇప్పుడంతకు మించి రచ్చ చేసేలా ఓ మూవీ డైరెక్ట్ డబ్బింగ్ వెర్షన్ రూపంలో వస్తోందనే ఇండికేషన్ ఇచ్చేలా.. సర్దార్ గబ్బర్ సింగ్ హిందీ టీజర్ రూపొందించారు. అయితే.. ఆడియో ఫంక్షన్ రోజున విడుదల చేసే ట్రైలర్ లో మాత్రం ఇంత వేరియేషన్ ఉండకపోవచ్చనే టాక్ వినిపిస్తోంది.