ఈ సైజ్ లో ఎడల్ట్‌ కంటెంట్‌ ఉందా??

జేజమ్మ అనుష్క నటించిన లేటెస్ట్ మూవీ సైజ్ జీరో. టైటిల్ ప్రకటించినప్పటి నుంచి అన్ని విషయాల్లోనూ ఇంట్రెస్ట్ క్రియేట్ చేసిన పిక్చర్ ఇది. ఓ సినిమా కోసం ఏ హీరోయిన్ చేయని సాహసం చేసి.. అంత లావుగా తయారైంది అనుష్క. ఇప్పుడా సినిమాకి యూ/ఏ సర్టిఫికేట్ వచ్చింది. అసలు ఇప్పటివరకూ ఈ మూవీ ట్రైలర్ - టీజర్ - ఫస్ట్ లుక్ - పోస్టర్స్.. ఇలా ఏవి చూసినా.. ఇది క్లీన్ ఫ్యామిలీ కామెడీ అనే అనుకున్నారు. కానీ సెన్సార్ వాళ్లు ఈ సర్టిఫికేట్ ఇవ్వడం ఆశ్చర్యకరమే.

ఇక్కడ ఆలోచించాల్సింది ఏంటంటే.. సైజ్ జీరో లో పెద్దల కంటెంట్ కూడా కనిపించనుంది అనే. మరి ఓ బండ పెళ్లాన్ని కాదనుకుని, సొగసరి భామ చుట్టూ మొగుడు తిరిగే స్టోరీ.. మనకి కొత్తేం కాదు. బోలెండత క్లీన్ కామెడీ పండుతుంది. మరి అలాంటి మూవీలో.. అడల్డ్ మిక్సింగ్ కంటెంట్ ఏముంటుందబ్బా అని ఆలోచించుకోవాలి. ఇందులో ఎలాగూ ఫైటింగులు - బీభత్సాలు - రక్తపాతాలు ఉండే ఛాన్స్ అయితే లేదు. కాబట్టి ఎక్స్ పోజింగ్ లు - డబుల్ మీనింగ్ లు ఉండే ఛాన్స్ ఉంది. భార్యా భర్తల మధ్య రిలేషన్ ని కాస్త దగ్గరగా ఏమన్నా చూపించారా.. లేక టాలీవుడ్ బికినీ క్వీన్ అని పేరు తెచ్చుకున్న సోనాల్ చౌహాన్.. మరోసారి బికినీతో రెచ్చగొట్టిందా అనుకుంటున్నారు టాలీవుడ్ జనాలు. అంతే కాదు.. ఆర్యకి అనుష్క ఓ లిప్ కిస్ కూడా పెట్టేసిందటున్నారు.

ఇక్కడ మరో ఇంట్రెస్టింగ్ టాపిక్ ఉంది. ఈ సైజ్ జీరోకి డైరెక్టర్ కోవెలమూడి ప్రకాష్. ఈయన లెజెండరీ డైరెక్టర్ రాఘవేంద్రరావు కొడుకనే విషయం తెలిసిందే. హీరోయిన్లను వల్గర్ గా కాకుండా.. గ్లామర్ గా చూపించడంలో.. తండ్రి వారసత్వం పుణికి పుచ్చుకున్నాడని అంటున్నారు ఇప్పటికే. ముఖ్యంగా పాటల్లో పళ్లు, పూలతో రాఘవేంద్ర రావు స్టైల్ కనిపించిందని, అది కాసింత శృతిమించిందన్నది టాలీవుడ్ టాక్. మరి వీటిలో ఏ కారణంతో యూ/ఏ సర్టిఫికేట్ వచ్చిందో తెలియాలంటే మాత్రం.. రిలీజ్ వరకూ ఆగాల్సిందే.