ఇన్నేసి ఛాన్సులు ఎలా వస్తున్నాయ్?

సినిమా హీరోలకు కష్టంతో పాటు కాస్తంత అదృష్టం కూడా ఉండాలి. ఎంత టాలెంట్ ఉన్నా కొంత మంది హీరోలు అనుకున్నంతగా స్టార్ హోదాను సంపాదించుకోలేరు. మరికొంత మంది అంతగా టాలెంట్ లేకున్నా కూడా స్టార్ హీరోలవుతున్నారు. ప్రస్తుతం అలాంటీ స్టార్ హీరోలు చాలామందే ఉన్నారు. ఇక అసలు విషయానికి వస్తే ఒక హీరో మాత్రం ఎన్ని అపజయాలు తలుపు తడుతున్నా పక్క డోర్ తీసుకొని అవకాశాలను దక్కించుకుంటున్నాడు.

అవకాశాలు అంటే మామూలు అవకాశాలు కాదు.. ఒక స్టార్ హీరో లెవెల్లో భారీ బడ్జెట్ అవకాశాలను అందుకుంటున్నాడు. అతను ఎవరో కాదు చోటా కె నాయుడు మేనల్లుడు సందీప్ కిషన్. అయితే ఈ కుర్ర హీరో కెరీర్ మొదట్లో డీసెంట్ హిట్స్ అందుకొని కొంచెం కొంచెంగా వేంకటాద్రి ఎక్స్ ప్రెస్ లాంటి భారీ హిట్స్ వరకు వచ్చాడు. కానీ ఆ తర్వాత సందీప్ ఎన్నో సినిమాలని తీశాడు కానీ ఏవి అంతగా విజయం సాధించలేదు. ఇక ఇక్కడ అవకాశాలు లేకపోవడంతో కోలీవుడ్ లో భారీ ఆఫర్స్ ని అందుకుంటున్నాడు. ప్రముఖ దర్శకులతో కలిసి వర్క్ చేస్తున్నాడు. రీసెంట్ గా కేరాఫ్ సూర్య చేశాడు. త్వరలో నరగసూరన్.. ప్రాజెక్ట్ జెడ్ అనే భారీ సినిమాలు కూడా వస్తున్నాయి. ఒక్క హిట్ లేకుండా ఇదంతా ఎలా సాధ్యం?

నిజానికి చాలామంది నమ్మేది ఏంటంటే.. సందీప్ తో సినిమాను చేస్తే బయ్యర్లు చాలామంది ముందుకొస్తారట. ఎందుకంటే మనోడికి డిస్ర్టిబ్యూషన్ మరియు సేల్స్ వైపు గట్టి గ్రిప్ ఉందనేది ఒక నమ్మకం. పైగా సందీప్ అనగానే సోషల్ మీడియాలో పబ్లిసిటీ కూడా బాగా జరుగుతోందట. అందుకనే ఎన్ని ఫ్లాపులు ఉన్నా కూడా ఈ హీరోవైపు మొగ్గుచూపుతున్నారు అంటూ ఒక టాక్ వినిపిస్తోంది. కాని ఈ అవకాశాలను సక్సెస్ రూపంలో మార్చుకోవడంలో మనోడు విఫలం అవుతున్నాడు.