మూడు పెళ్లిళ్లు వద్దనుకున్న సూర్య

''మహానటి'' పేరుతో మహానటి సావిత్రి బయోపిక్ రూపొందుతున్న సంగతి తెలిసిందే. అయితే మనం చాలాసార్లు చెప్పుకున్నట్లు ఈ సినిమాలో ఎన్టీఆర్ లేదా ఏఎన్నార్ రోల్స్ కంటే కూడా.. సావిత్రి నిజజీవితపు పతి అయిన తమిళ స్టార్ జెమిని గణేశన్ రోల్ చాలా ముఖ్యమైనది. పైగా ఆయనకు ఆల్రెడీ పెళ్ళయి.. సావిత్రిని 2వ పెళ్లి చేసుకోవడం.. అలాగే ఇద్దరు భార్యలు ఉండగా 3వ పెళ్లి చేసుకోవడం అనేది సంచలనాత్మక టాపిక్. అవన్నీ మరి సినిమాలో చూపిస్తారా?

ఈ పాత్ర వలన తమిళ ప్రేక్షకులు కూడా సినిమాకు కనక్ట్ అవుతారనే ఉద్దేశ్యంతో.. ఈ పాత్రకు హీరో సూర్యను సంప్రాదించారట నిర్మాతలు. ఆయన వెంటనే స్ర్కిప్టులో కొన్ని మార్పులు చేస్తేనే ఈ పాత్రను చేస్తానని చెప్పాడు. మనోళ్ళు కొన్ని మార్పులు చేసినప్పటికీ.. చివరకు సూర్య నో చెప్పేస్తూ పక్కకు తప్పేసుకున్నాడు. ముఖ్యంగా.. ఆల్రెడీ పెళ్ళయి కూడా ఇలా మూడు పెళ్ళిళ్ళు చేసుకోవడం అంటే ఇప్పటి తరంలో అది న్యాయమైన విషయం కాదు. కాని తమిళ అతివాదులు మాత్రం తాము ఏం చేసినా కరక్ట్ అనే భ్రమలో ఉంటారు. ఇప్పుడు అక్కడున్న స్టార్ పొలిటీషియన్లలో కొందరికి ఇద్దరు ముగ్గురు భార్యలు ఉన్నారులే. అందుకే రిస్క్ ఎందుకని సూర్య వదిలేసుకున్నట్లున్నాడు.

ఏదేమైనా కూడా తమిళ మార్కెట్ కోసం సావిత్రి సినిమాలో చీకటి వెలుగులు నింపిన జెమిని గణేశన్ పాత్రను పాజిటివ్ గా మలిస్తే మాత్రం.. అది సావిత్రి చరిత్రకే కాదు యావత్ తెలుగు సినిమా అభిమానులకే అన్యాయం చేసినట్లు.

Like Us on Facebook : https://www.facebook.com/Tupakidotcom/