బయోపిక్‌ నుంచి తేజ ఎందుకు తప్పుకున్నాడంటే..?

ఎన్టీఆర్‌ బయోపిక్‌ రిలీజ్‌కు సిద్ధమైంది. ఈ సినిమాను రెండు భాగాలుగా రిలీజ్‌ చేస్తున్నారు. దాదాపు ఏడాదినుంచి ఈ ప్రాజెక్టుపైనే బిజీగా బాలయ్య ఉన్నాడు. అయితే ఈ సినిమా దర్శకుడైన క్రిష్‌ మధ్యలో వచ్చాడు. మొదట ఈ సినిమాకు దర్శకుడు తేజ. బయోపిక్‌ ఓపెనింగ్‌ కు కూడా తేజనే ఉన్నాడు. కానీ కొన్ని సీన్స్‌ తర్వాత సీన్‌లోంచి తేజ తప్పుకుంటే.. ఆ ప్లేస్‌లోకి క్రిష్‌ వచ్చాడు. అయితే అప్పటినుంచి ఇప్పటివరకు తేజ ఎందుకు తప్పుకున్నాడో ఎవ్వరికీ తెలియదు. ఒక్క బాలయ్యకు, తేజకు తప్ప. అందుకే.. రీసెంట్‌ గా ఇచ్చిన ఇంటర్వ్యూలో బాలయ్యే జరిగిన విషయం చెప్పాడు.

ఎన్టీఆర్‌ బయోపిక్‌ కు సంబంధించి తేజ అనుకున్నకథ ఒకటి. అయితే.. బాలయ్య ఎంట్రీ తర్వాత కథలో మార్పులు అయితే రాలేదు కానీ.. చాలా పాటలు, పాత్రలు వచ్చి చేరాయి. ఇది బాలయ్య డ్రీమ్‌ ప్రాజెక్ట్‌ కాబట్టి.. అప్పటితరంలో ఉన్న వాళ్లంతా సినిమాలో ఉండాలని పట్టుబట్టాడు. దీంతోపాటు.. అన్నగారి పాటలు కచ్చితంగా ఉండాల్సిందేనని.. ప్రతీ గెటప్‌ లో తాను కన్పిస్తానని చెప్పాడు. కేవలం ఇలా పాటలు, పాత్రధారులు తీసుకుంటూ పోతే.. సినిమా లేట్‌ అయిపోతుంది. అదిగాక ఇలాంటి ప్రాజెక్టులు అంతుకుముందు డీల్‌ చేసిన అనుభవం తేజకు లేదు.

దీంతో… ఇంత బరువును మోయలేక ఆయన ఎన్టీఆర్‌ బయోపిక్‌ నుంచి తప్పుకున్నట్లు బాలయ్యే చెప్పాడు. అయితే ఇండస్ట్రీలో టాక్‌ మాత్రం వేరే ఉంది. ఇన్ని పాత్రలు, ఇన్ని పాటలు.. ఇన్ని ఆబ్లిగేషన్స్‌ మధ్య సినిమాను తీయడం ఇష్టంలేకే తేజ తప్పుకున్నాడని చెప్తారు. ఏదిఏమైనా తన వెర్షన్‌ బాలయ్య చెప్పాడు. మరి తేజ తన వెర్షన్‌ చెప్పేవరకు అసలు నిజం బయటకు రాదు.